ഹൈമാസ്റ്റ് ലൈറ്റിന്റേയും മിനിമാസ്റ്റ് ലൈറ്റിന്റേയും ഉദ്ഘാടനം

ഹൈമാസ്റ്റ്, മിനിമാസ്റ്റ് ലൈറ്റുകൾ മിഴിതുറന്നു ഇരിങ്ങാലക്കുട: വേളൂക്കര ഗ്രാമപഞ്ചായത്തിലെ നടവരമ്പ് കോളനിപ്പടിയിൽ സ്ഥാപിച്ച ഹൈമാസ്റ്റ് ലൈറ്റിന്‍റെയും നഗരസഭയിലെ എളങ്ങാർവട്ടം അമ്പലത്തിന് മുന്നിൽ സ്ഥാപിച്ച മിനിമാസ്റ്റ് ലൈറ്റിന്‍റെയും ഉദ്ഘാടനം ഉന്നത വിദ്യാഭ്യാസ മന്ത്രി ഡോ. ആർ. ബിന്ദു നിർവഹിച്ചു. മുൻ എം.എൽ.എ പ്രഫ. കെ.യു. അരുണന്‍റെ ആസ്തി വികസന ഫണ്ടിൽനിന്ന്​ ഒമ്പതുലക്ഷം രൂപയാണ് ഈ രണ്ട് ലൈറ്റുകൾക്കുമായി അനുവദിച്ചത്. നടവരമ്പ് കോളനിപ്പടിയിലും എളങ്ങാർവട്ടം അമ്പത്തിന് മുൻപിലുമായ നടന്ന ഉദ്ഘാടന ചടങ്ങുകളിൽ മുൻ എം.എൽ.എ പ്രഫ. കെ.യു. അരുണൻ വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രൻ, വേളൂക്കര ഗ്രാമപഞ്ചായത്ത് പ്രസിഡന്റ് കെ.എസ്. ധനീഷ്, ആരോഗ്യ സ്റ്റാൻഡിങ്​ കമ്മിറ്റി ചെയർമാൻ സതീഷ് പത്തഴക്കാട്ടിൽ, വാർഡ് മെംബർമാരായ സുപ്രഭ സുഖി, മാത്യു പാറേക്കാടൻ, പി.എം. ഗാവരോഷ്, സുനിത രാധാകൃഷ്ണൻ, ഇരിങ്ങാലക്കുട നഗരസഭ കൗൺസിലർമാരായ ബൈജു കുറ്റിക്കാടൻ, എ എസ്. അജിത്ത് കുമാർ, ടി.കെ. ജയാനന്ദൻ എന്നിവർ സംസാരിച്ചു. photo....tcm ijk ഹൈമാസ്റ്റ് ലൈറ്റിന്‍റെയും മിനിമാസ്റ്റ് ലൈറ്റിന്‍റെയും ഉദ്ഘാടനം മന്ത്രി ഡോ. ആർ. ബിന്ദു നിർവഹിക്കുന്നു