ഭരണകൂട ഭീകരതക്കെതിരെ എം.എസ്.എഫ് സ്റ്റുഡന്റ്​സ് പ്രൊട്ടസ്റ്റ്

തൃശൂർ: മാധ്യമ സ്വാതന്ത്ര്യവും വസ്ത്ര സ്വാതന്ത്ര്യവും നിഷേധിക്കുന്ന ഭരണകൂട ഭീകരതക്കെതിരെ എം.എസ്.എഫ് ജില്ല കമ്മിറ്റി സ്റ്റുഡന്റ്​സ് പ്രൊട്ടസ്റ്റ്​ സംഘടിപ്പിച്ചു. 'ഹം ദേകേങ്കെ' പേരിൽ തൃശൂർ ടൗണിൽ നടത്തിയ സമരം ഭരണഘടന അനുശാസിക്കുന്ന അവകാശങ്ങൾ ഓരോന്നായി കവർന്നെടുക്കുന്ന സംഘ്​പരിവാർ ഭരണകൂടത്തിനെതിരെയുള്ള വിദ്യാർഥി പ്രതിഷേധം രേഖപ്പെടുത്തി. മുസ്‌ലിം ലീഗ് സംസ്ഥാന സെക്രട്ടറി സി.എച്ച്. റഷീദ് ഉദ്​ഘാടനം നിർവഹിച്ചു. എം.എസ്.എഫ് ജില്ല പ്രസിഡന്റ് എസ്.എ. അൽറെസിൻ അധ്യക്ഷത വഹിച്ചു. വി.ആർ. അനൂപ്, എം.എ. റഷീദ്, ആരിഫ് പാലയൂർ, കെ.വൈ. അഫ്സൽ, ഷബീറലി, സി.എ. സൽമാൻ, ഫഈസ്‌ മുഹമ്മദ് എന്നിവർ പങ്കെടുത്തു.