സംസ്കരണ പ്ലാന്‍റിൽ മാലിന്യത്തിന് തീപിടിച്ചു

കൊടുങ്ങല്ലൂർ: നഗരസഭ മാലിന്യ സംസ്കരണ പ്ലാന്‍റിൽ തീപിടിത്തം. ടി.കെ.എസ് പുരത്ത് പ്രവർത്തിക്കുന്ന പ്ലാന്‍റിലാണ് ശനിയാഴ്ച വൈകീട്ട് അഞ്ചോടെ അഗ്​നിബാധയുണ്ടായത്. പുല്ലൂറ്റ്, മാള എന്നിവിടങ്ങളിൽനിന്നെത്തിയ രണ്ട് യൂനിറ്റ് അഗ്​നിരക്ഷ സേന അര മണിക്കൂർ പരിശ്രമിച്ചാണ്​ തീയണച്ചത്. പ്ലാന്‍റിലേക്കുള്ള വൈദ്യുതി കമ്പിയിൽ കാക്ക തട്ടിയതിനെ തുടർന്ന് മാലിന്യ കൂമ്പാരത്തിലേക്ക് തീ വീണ് പടർന്നു പിടിക്കുകയായിരുന്നു. സംഭവമറിഞ്ഞ് നഗരസഭ ചെയർപേഴ്സൻ എം.യു. ഷിനിജയും വൈസ് ചെയർമാൻ കെ.ആർ. ജൈത്രനും സ്ഥലത്തെത്തി. TCK.KDR.THEE PADARNU നഗരസഭ മാലിന്യ സംസ്കരണ പ്ലാന്‍റിൽ മാലിന്യത്തിന് തീപിടിച്ചപ്പോൾ