ചാലക്കുടി നോർത്ത് സ്റ്റാന്‍റിൽ ബസുകൾ കയറി തുടങ്ങി

ചാലക്കുടി നോർത്ത് സ്റ്റാൻഡിൽ ബസുകൾ കയറി തുടങ്ങി ചാലക്കുടി: നോർത്ത് സ്റ്റാൻഡ്​ പ്രവർത്തനമാരംഭിക്കുന്നതിന്‍റെ ഭാഗമായി വെള്ളിയാഴ്ച രാവിലെ മുതൽ ബസുകൾ കയറി തുടങ്ങി. നഗരസഭയിലെ ട്രാഫിക് റെഗുലേറ്ററി കമ്മിറ്റിയുടെയും ജനപ്രതിനിധികളുടെയും ബസ് ഉടമകളുടെയും സംയുക്ത യോഗത്തിന്‍റെ തീരുമാനപ്രകാരമാണ് സ്വകാര്യ ബസുകൾ സർവിസ്​ നടത്തിയത്. അതേ സമയം, കെ.എസ്.ആർ.ടി ബസുകൾ കയറി തുടങ്ങിയില്ല. മാള ഭാഗത്തേക്കുള്ള ബസുകൾ ഒഴികെ മറ്റ് പ്രദേശങ്ങളിലേക്കുള്ള ബസുകൾ പുതിയ സ്റ്റാൻഡിൽ കയറാനാണ്​ തീരുമാനം. നഗരസഭ ചെയർമാൻ വി.ഒ. പൈലപ്പൻ, എസ്.എച്ച്.ഒ കെ.എസ്. സന്ദീപ്, മോട്ടോർ വെഹിക്കിൾ ഇൻസ്പെക്ടർമാർ, പൊലീസ് ഉദ്യോഗസ്ഥർ, ബസ് ഓണേഴ്സ് അസോസിയേഷൻ ഭാരവാഹികൾ, ജനപ്രതിനിധികൾ എന്നിവർ സ്ഥലത്തെത്തിയിരുന്നു. നോർത്ത് ബസ് സ്റ്റാൻഡ്​​ നിർമാണം പൂർത്തിയായി നിരവധി വർഷമായിരുന്നെങ്കിലും പ്രവർത്തനക്ഷമമായിരുന്നില്ല. TCMChdy - 7 നോർത്ത് ബസ് സ്റ്റാൻഡിൽ ബസുകൾ കയറി തുടങ്ങിയപ്പോൾ