വേളൂക്കര പി.എച്ച്.സി റോഡിന്‍റെ ശോച്യാവസ്ഥ പരിഹരിക്കാൻ പൗരസമിതി പ്രതിഷേധം

ഇരിങ്ങാലക്കുട: വേളൂക്കര ഗ്രാമപഞ്ചായത്ത്​ പ്രാഥമികാരോഗ്യ കേന്ദ്രത്തിലേക്കുള്ള കൊറ്റനല്ലൂർ കുറുപ്പംപടി-ആക്കപ്പള്ളി പൊക്കം റോഡിന്‍റെ ശോച്യാവസ്ഥ ഉടൻ പരിഹരിക്കണമെന്നാവശ്യപ്പെട്ട്​ ആരോഗ്യ കേന്ദ്രം പൗരസമിതി പ്രതിഷേധ യോഗം സംഘടിപ്പിച്ചു. നാഷനൽ ഗ്രീൻ സോഷ്യലിസ്റ്റ് പ്രസിഡന്‍റ്​ വാക്സറിൻ പെരേപ്പാടൻ ഉദ്​ഘാടനം ചെയ്തു. അഞ്ച് വർഷത്തിലധികമായി തകർന്ന് കിടക്കുന്ന റോഡിലൂടെ യാത്ര ദുഷ്കരമാണ്‌. ഓരോ തെരഞ്ഞെടുപ്പ്​ കാലത്തും റോഡിന് ഫണ്ട് അനുവദിച്ചെന്ന ബോർഡ്​ പ്രത്യക്ഷപ്പെടുന്നതല്ലാതെ ശാശ്വത പരിഹാരം ഉണ്ടാവുന്നില്ലെന്ന് പ്രദേശവാസികൾ കുറ്റപ്പെടുത്തി. പി.ജി. സോമസുന്ദരന്‍റെ നേതൃത്വത്തിൽ പൗരസമിതി അംഗങ്ങൾ ഒപ്പ് ശേഖരണവും നടത്തി. രാജേഷ് കുറുപ്പത്തുകാട്ടിൽ അധ്യക്ഷത വഹിച്ചു. ബോസ് കക്കര, ജോസ് എടപ്പിള്ളി, ടോം കിരൺ, ഷിപ്സൻ പൗലോസ് തുടങ്ങിയവർ സംസാരിച്ചു.