ഞാറ് നടീല്‍ ഉത്സവം

ആമ്പല്ലൂര്‍: നെന്മണിക്കരയില്‍ നാല് പതിറ്റാണ്ട് തരിശ് കിടന്ന പുലക്കാട്ടുകര പാടത്ത് നെല്‍കൃഷിയിറക്കി. തരിശ് രഹിത പഞ്ചായത്ത് എന്ന പദ്ധതിയില്‍പ്പെടുത്തി എട്ട്​ ഏക്കര്‍ പാടത്താണ് ഞാറ് നട്ടത്. കെ.കെ. രാമചന്ദ്രന്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ്​ ടി.എസ്. ബൈജു അധ്യക്ഷത വഹിച്ചു. ബ്ലോക്ക് പഞ്ചായത്തംഗം ഷീല മനോഹരന്‍, പഞ്ചായത്തംഗങ്ങളായ സജിന്‍ മേലേടത്ത്, സണ്ണി ചെറിയലത്ത്, എം.കെ. ശശീധരന്‍ തുടങ്ങിയവര്‍ പങ്കെടുത്തു. ഓട്ടുകമ്പനി ഉടമകളുടെ അസോസിയേഷന്‍റെ കൈവശമുള്ള പാടത്തുനിന്ന് കളിമണ്ണ് എടുക്കാന്‍ അനുമതി നിഷേധിച്ചതോടെ വര്‍ഷങ്ങളായി തരിശിട്ടിരിക്കുകയായിരുന്നു. ഉടമകളുടെ അനുവാദത്തോടെ പ്രവാസി കൂട്ടായ്മയാണ് നെല്‍കൃഷി ആരംഭിച്ചത്. -------- file name nadeel ulsavam: നെന്മണിക്കര പുലക്കാട്ടുക്കര പാടത്തെ കെ.കെ. രാമചന്ദ്രന്‍ എം.എല്‍.എ ഉദ്ഘാടനം ചെയ്യുന്നു