റേഷൻ ഗതാഗത കരാർ: ജില്ലയിൽ 'താൽക്കാലികം' തുടരുന്നു

തൃശൂർ: ഹൈകോടതി ഇടപെടുകയും വിജിലൻസ്​ റിപ്പോർട്ട്​ വരുകയും ചെയ്​തിട്ടും ജില്ലയിലെ റേഷൻ വിതരണ, വാതിൽപ്പടി ഗതാഗത കരാർ നടപടികൾ കടലാസിൽ. ആഗസ്​റ്റ്​ ആദ്യം കരാർ സംബന്ധിച്ച കാര്യത്തിൽ നടപടി സ്വീകരിക്കാൻ സപ്ലൈകോ അധികൃതർ ആവശ്യപ്പെ​ട്ടെങ്കിലും ജില്ലയിൽ മാത്രം മൂന്നുവർഷമായി താൽക്കാലിക കരാർ തുടരുകയാണ്​. ആരോപണ വിധേയനായ വ്യക്തിക്കും ബിനാമികൾക്കുമാണ്​ ഇതി​ൻെറ മെച്ചമെന്നാണ്​ ആക്ഷേപം. 2020 ജൂലൈയിൽ പുതിയ കരാർ വിളിച്ചിരുന്നു. ഇതനുസരിച്ച്​ സംസ്ഥാനത്തെ മുഴുവൻ ജില്ലകളിലും പുതിയ ഗതാഗത കരാർ നിലവിൽവന്നെങ്കിലും തൃശൂരിൽ മാത്രം കാര്യങ്ങൾ തകിടം മറിഞ്ഞു. കഴിഞ്ഞ വർഷം വിളിച്ച പുതിയ കരാർ നടപടികളിലും വെള്ളം ചേർത്തതായി ടെൻഡർ നടപടികളിൽ പ​െങ്കടുത്തവർ ആരോപിക്കുന്നു. ഇതിനെതിരെ ഹൈകോടതിയിൽ നൽകിയ ഹരജിയിലാണ്​ സമഗ്ര അന്വേഷണ റിപ്പോർട്ട്​ സമർപ്പിക്കാൻ സപ്ലൈകോ ചെയർമാൻ ആൻഡ്​ മാ​േനജിങ്​ ഡയറക്​ടറോട്​ (സി.എം.ഡി) ആവശ്യപ്പെട്ടത്​​. കഴിഞ്ഞ സെപ്​റ്റംബർ 29നാണ്​ ജില്ലയിലെ ആറ്​ താലൂക്കുകളിലേക്ക്​ ഗതാഗത കരാറിനുള്ള ടെൻഡർ തുറന്നത്​. ഇതിൽ ഏറ്റവും കുറഞ്ഞ തുക നൽകി കരാർ കൈക്കലാക്കുകയായിരുന്നു ലക്ഷ്യം. നിലവിൽ താൽക്കാലിക കരാറിന്​ വിതരണം നടത്തുന്നതിനേക്കാൾ കുറഞ്ഞ തുകക്കാണ്​ പുതിയ കരാർ എന്നുള്ളതിനാൽ നഷ്​ടമാണുണ്ടാവുക. പുതിയ കരാർ എൻ.എഫ്​.എസ്​.എക്ക്​ അനുഗുണവുമാണ്​. ഒരുമാസം കഴിഞ്ഞിട്ടും കരാർ നടപ്പാകാതെ പോകുന്നത്​ ഉദ്യോഗസ്ഥ ഒത്തുകളിയാണെന്നാണ്​ ആക്ഷേപം​. എന്നാൽ, ഇത്​ അന്വേഷിക്കാനോ തുടർനടപടികൾ സ്വീകരിക്കാനോ ഉന്നത ഉദ്യോഗസ്ഥരും ഫലപ്രദമായി ഇടപെടുന്നില്ല. രാഷ്​ട്രീയ സമ്മർദമാണ്​ നടപടിയെടുക്കുന്നതിൽനിന്ന്​ ഉദ്യോഗസ്ഥരെ പിന്തിരിപ്പിക്കുന്നത്​. ബിനാമികൾക്ക്​ കരാർ നൽകിയെന്ന്​ കണ്ടെത്തിയതിനെ തുടർന്ന്​ കഴിഞ്ഞ കരാർ റദ്ദായിരുന്നു. എന്നാൽ, താൽക്കാലിക കരാർ ആരോപണ വിധേയർക്ക്​ നൽകിയാണ്​ സപ്ലൈകോ അധികൃതർ ഇതുവരെ വിതരണം നടത്തിയിരുന്നത്​. അതിനിടെ താൽക്കാലിക കരാർ ഇല്ലാതാക്കി പുതിയ കരാർ നടപടിക്ക്​​ ഈ സംഘത്തിലുള്ളവർ തുരങ്കം വെക്കുകയും ചെയ്​തു​. ആ​േരാപണ വിധേയനായ വ്യക്തിയുടെ വാഹനങ്ങളാണ്​ പുതിയ ടെൻഡർ നടപടികൾക്കായി നൽകിയ​െതന്നാണ്​ പ്രധാന ആരോപണം. ഒപ്പം കുറഞ്ഞ തുക നൽകിയതും മറ്റുള്ളവർ ചോദ്യം ചെയ്യുന്നുണ്ട്​.