കർഷകസമരത്തെ പിന്തുണച്ച് ഗ്രാമസഭയിൽ പ്രമേയം

വാടാനപ്പള്ളി: രാജ്യവ്യാപക കർഷകസമരത്തിന് ഐക്യദാർഢ്യം പ്രഖ്യാപിച്ച് ഗ്രാമസഭ പ്രമേയം. വാടാനപ്പള്ളി ഗ്രാമപഞ്ചായത്ത് രണ്ടാം വാർഡിൽ ചേർന്ന ഗ്രാമസഭ യോഗത്തിലാണ് കർഷക ഐക്യദാർഢ്യ പ്രമേയം അവതരിപ്പിച്ചത്. ഐ.സി. മനോജ് പ്രമേയം അവതരിപ്പിച്ചു. ഗ്രാമപഞ്ചായത്ത് അംഗം എ.ടി. ഷബീർ അലി പ്രമേയത്തെ പിന്തുണച്ചു. പ്രമേയം ഐകകണ്േഠ്യന ഗ്രാമസഭ അംഗീകരിച്ചു. ഗ്രാമപഞ്ചായത്ത് പ്രസിഡൻറ്​ ശാന്തി ഭാസി അധ്യക്ഷത വഹിച്ചു .