ടാങ്കർ ലോറിയും ബൈക്കും കൂട്ടിയിടിച്ച്​ യുവാവ്​ മരിച്ചു

ചൊവ്വാഴ്ച രാത്രി 10.45ഓടെ പുതിയകാവ് വളവിലായിരുന്നു അപകടം മതിലകം: ദേശീയപാത 66ലെ മതിലകം പുതിയകാവിൽ ടാങ്കർ ലോറിയും ബുള്ളറ്റ്​ ബൈക്കും കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. രണ്ടുപേർക്ക് ഗുരുതരമായി പരിക്കേറ്റു. പെരിഞ്ഞനം കൊറ്റംകുളം കൊണ്ടറപ്പശ്ശേരി വിശ്വംഭര​ൻെറ മകൻ വിജീഷാണ്​ (28) മരിച്ചത്. പെരിഞ്ഞനം ചക്കരപ്പാടം സ്വദേശികളായ കാരയിൽ വിനോദി​ൻെറ മകൻ വിവേക് (23), പനപറമ്പിൽ വിജയ​ൻെറ മകൻ ബിജീഷ് (37) എന്നിവർക്കാണ് പരിക്ക്. കൊടുങ്ങല്ലൂർ മോഡേൺ ആശുപത്രിയിൽ എത്തിച്ച ഇവരെ പിന്നീട് തൃശൂർ ജൂബിലി മിഷൻ ആശുപത്രിയിലേക്ക് മാറ്റി. ചൊവ്വാഴ്ച രാത്രി 10.45ഓടെ പുതിയകാവ് വളവിലായിരുന്നു അപകടം. ടാങ്കർ തെക്കുഭാഗത്തുനിന്ന്​ വരുകയായിരുന്നു. ഇടിയിൽ തെറിച്ചുവീണ മൂന്നുപേരും റോഡിലും സമീപത്തുമായി കിടക്കുകയായിരുന്നു. വിജീഷി​ൻെറ മൃതദേഹം മോഡേൺ ആശുപത്രിയിൽ. വിവിധ ആംബുലൻസ് സർവിസുകാരാണ് രക്ഷാപ്രവർത്തനം നടത്തിയത്.