നേവിയുടെ പാളിച്ചക്കെതിരെ മുഖ്യമന്ത്രിക്ക് എം.പിയുടെ പരാതി

തളിക്കുളം: തമ്പാൻകടവിൽനിന്ന്​ കടലിൽ പോയി വള്ളം തകർന്ന് ഉപകരണങ്ങൾ നഷ്​ടപ്പെട്ട മത്സ്യത്തൊഴിലാളികൾക്ക് അടിയന്തര സഹായം അനുവദിക്കാനും അപകടമുണ്ടാകുമ്പാൾ രക്ഷാപ്രവർത്തനങ്ങളിൽ കാലതാമസം ഉണ്ടാകാതിരിക്കാനും മുഖ്യമന്ത്രിയുടെ ഇടപെടൽ ആവശ്യപ്പെട്ടും ടി.എൻ. പ്രതാപൻ എം.പി മുഖ്യമന്ത്രിക്ക് പരാതി നൽകി. കോസ്​റ്റ്​ ഗാർഡി​ൻെറയും നേവിയുടെയും തിരച്ചിൽ സംവിധാനങ്ങൾ ആവശ്യപ്പെട്ടിട്ടും വേണ്ടസമയത്ത് രക്ഷാപ്രവർത്തനത്തിന് എത്തിയില്ല. മത്സ്യത്തൊഴിലാളികൾക്ക് അപകടമുണ്ടാകുമ്പോൾ ജീവൻ രക്ഷിക്കാൻ കാലതാമസം ഉണ്ടാകാതിരിക്കാൻ കോസ്​റ്റ്​ ഗാർഡി​ൻെറയും നേവിയുടെയും സേവനം ഉറപ്പുവരുത്താൻ മുഖ്യമന്ത്രി ഇടപെടണമെന്ന്​ പ്രതാപൻ ആവശ്യപ്പെട്ടു.