എങ്ങുമെത്താതെ ഇന്ത്യ പോസ്​റ്റ്​ ബാങ്ക് അക്കൗണ്ടുകൾ

തൃശൂർ: സംസ്​ഥാനത്ത്​ അഞ്ചുലക്ഷം ഇന്ത്യ പോസ്​റ്റ്​ ബാങ്ക് അക്കൗണ്ടുകൾ തുടങ്ങണമെന്ന ലക്ഷ്യം എങ്ങുമെത്തിയില്ല. ഇന്ത്യ പോസ്​റ്റ്​ ഒാൺലൈൻ ബാങ്കിൻെറ വാർഷികദിനമായ സെപ്റ്റംബർ ഒന്നിനകം 5,71,191 അക്കൗണ്ടുകൾ തുടങ്ങണമെന്നാണ്​ തപാൽ വകുപ്പ്​ നിർദേശം നൽകിയത്​. ജീവനക്കാർ എത്ര പരിശ്രമിച്ചിട്ടും 70,561 അക്കൗണ്ടുകൾ മാത്രമാണ്​ ഇതുവ​െര ചേർക്കാനായത്​. ഒരു ദിവസം ശേഷിക്കവേ 5,00,630 അക്കൗണ്ടുകൾ​ ചേർക്കുക അസംഭവ്യമാണ്​​. അതുകൊണ്ട്​തന്നെ സമയം നീട്ടി നൽകുമെന്ന പ്രതീക്ഷയിലാണ്​ കേരളം അടക്കമുള്ള സംസ്​ഥാനങ്ങൾ​. അക്കൗണ്ട്​ ചേർക്കുന്നതിൽ ദേശീയതലത്തിൽ 20ാം സ്​ഥാനത്താണ്​ കേരളം​. ലക്ഷ്യമായി നൽകിയ 19,96,799ൽ 14,24,667 അക്കൗണ്ടുകൾ ​േചർത്ത ബിഹാറാണ്​ ഒന്നാം സ്​ഥാനത്ത്​​. 2018 സെപ്​റ്റംബർ ഒന്ന​ുമുതൽ തുടങ്ങിയ ഇന്ത്യ പോസ്​റ്റ്​ ബാങ്കിൽ ഇതുവരെ കേരളത്തിന്​ ചേർക്കാനായത്​ 6,20,00 പേരെ​. 60 കോടി രൂപയാണ്​ ഈ സാമ്പത്തിക വർഷത്തിൽ ബാങ്ക്​ നിക്ഷേപമായി കേരളം നൽകേണ്ടത്​. ഏഴ്​ മാസങ്ങൾ ശേഷിക്കവേ 39 കോടി രൂപ ഇതുവരെ കേരളം നിക്ഷേപമായി നൽകി കഴിഞ്ഞു. നിക്ഷേപത്തി​ൻെറ കാര്യത്തിൽ ദേശീയതലത്തിൽ ഒമ്പതാം സ്​ഥാനത്താണ്​ കേരളമുള്ളത്​. 21 കോടി ലക്ഷ്യം നൽകിയ ഹിമാചൽപ്രദേശ്​ 20 കോടി നിക്ഷേപം ഒരുക്കി ഒന്നാം സ്​ഥാനത്തുണ്ട്​. കഴിഞ്ഞവർഷം ഫെബ്രുവരി 19, 20 ദിവസങ്ങളിലായി 1.93 ലക്ഷം അക്കൗണ്ടുകൾ ചേർത്തതാണ്​ രണ്ടാം വാർഷികത്തിൽ വലിയ ലക്ഷ്യം നൽകാൻ കാരണം. ബയോമെട്രിക്​ രേഖകൾ പരിശോധിച്ചു ​ആധാർ ലിങ്ക്​ ചെയ്​തുകൊണ്ടാണ്​ അക്കൗണ്ട്​്​ തുടങ്ങേണ്ടത്​. കോവിഡി​ൻെറ പശ്ചാത്തലത്തിൽ ആദ്യഘട്ടത്തിൽ പ്രതിരോധത്തി​ൻെറ ഭാഗമായി ബയോമെട്രിക്​ രേഖ പരിശോധനക്ക്​ നിരോധം ഏർ​െപ്പടുത്തിയിരുന്നു. ഇതും കോവിഡ്​ സംമ്പർക്ക വ്യാപനം കൂടി യതുമാണ്​ കാര്യങ്ങൾ കുഴഞ്ഞത്​. സമയം നീട്ടി നൽകിയാലും വീടുകൾ തോറും കയറി ഇറങ്ങി അക്കൗണ്ട്​ ​േചർക്കൽ ദുഷ്​ക്കരമാണെന്നാണ്​ ജീവക്കാരുടെ നിലപാട്​. കേരളത്തിൽ 23 തപാൽ ഡിവിഷനുകളിലായി 16,000 ജീവനക്കാരാണ് വകുപ്പിലുള്ളത്. ഇതിൽതന്നെ ഗ്രാമീണ മേഖലയിലുള്ള 10,000 ജീവനക്കാർക്കാണ് ഇന്ത്യ പോസ്​റ്റ്​ ബാങ്ക് സേവനത്തിനുള്ള മൊബൈൽ ആപ്ലിക്കേഷൻ ഡിവൈസ് നൽകിയിട്ടുള്ളത്. നഗരങ്ങളിലും അർധനഗരങ്ങളിലും ഡിവൈസ് ഇല്ലാത്ത പ്രശ്നം രൂക്ഷവുമാണ്.