മതിലകം അഗ്രോ സർവിസ് സെൻറർ ​േബ്ലാക്ക്​ കൃഷിവിജ്ഞാന കേന്ദ്രമാകും

മതിലകം അഗ്രോ സർവിസ് സൻെറർ ​േബ്ലാക്ക്​ കൃഷിവിജ്ഞാന കേന്ദ്രമാകും കൊടുങ്ങല്ലൂർ: മതിലകം അഗ്രോ സർവിസ് സൻെററിനെ കൃഷിവകുപ്പിൻെറ ബ്ലോക്ക്തല കൃഷിവിജ്ഞാനകേന്ദ്രമാക്കുന്നു. മണ്ണുത്തി കാർഷിക സർവകലാശാലയുടെ കൃഷിവിജ്ഞാന കേന്ദ്രത്തിലെ ഒരുപ്രതിനിധിയുടെ സേവനവും ഇതി​ൻെറ ഭാഗമായി ഇവിടെയുണ്ടാകും. വിത്ത്, ജൈവ ജീവാണുവളങ്ങൾ, ചെറിയ കാർഷികോപകരണങ്ങൾ, മറ്റു കാർഷിക ഉൽപന്ന ഉപാധികൾ എന്നിവ മിതമായ വിലയിൽ കർഷകർക്ക് ലഭ്യമാക്കാൻ ആഗസ്​റ്റ്​ അവസാന വാരത്തോടെ കാർഷിക സേവനകേന്ദ്രത്തിൽ വിപണനകേന്ദ്രം ആരംഭിക്കും. കാർഷിക ഉൽപന്നങ്ങളുടെ സംഭരണവും വിപണനവും സുഗമമാക്കാൻ മതിലകം ബ്ലോക്ക് പഞ്ചായത്ത് പരിധിയിൽ വരുന്ന ഏഴ് പഞ്ചായത്തുകളിലും എല്ലാ ബുധനാഴ്ചകളിലും ആഴ്ചച്ചന്തയും സംഘടിപ്പിക്കും. ആഗസ്​റ്റ്​ 27 മുതൽ 30വരെ എല്ലാ കൃഷിഭവനുകളിലും പച്ചക്കറികളും കുടുംബശ്രീ ഉൽപന്നങ്ങളും അടങ്ങുന്ന വിപുലമായ ഓണവിപണിയും സംഘടിപ്പിക്കും. യോഗത്തിൽ ഇ.ടി. ടൈസൺ എം.എൽ.എ അധ്യക്ഷത വഹിച്ചു. മതിലകം ബ്ലോക്ക് പഞ്ചായത്ത് പ്രസിഡൻറ് കെ.കെ. അബീദലി, വൈസ് പ്രസിഡൻറ് ലൈന അനിൽ, വികസന സ്​റ്റാൻഡിങ്​ കമ്മിറ്റി ചെയർമാൻ എം.എ. വിജയൻ, കൃഷി അസി. ഡയറക്ടർ ജ്യോതി പി. ബിന്ദു, പഞ്ചായത്ത് പ്രസിഡൻറ്​ ഇ.ജി. സുരേന്ദ്രൻ, കാർഷിക സർവിസ് സൻെറർ പ്രസിഡൻറ്​ ടി.ആർ. സുനിൽകുമാർ, കൃഷി ഓഫിസർ ബൈജു ബേബി എന്നിവർ പങ്കെടുത്തു.