പുഴകളിൽ ജലനിരപ്പ് ഉയര്‍ന്നു

ആമ്പല്ലൂര്‍: മഴ ശക്തമായതോടെ മണലി, കുറുമാലി പുഴകളിലെ ജലനിരപ്പ് ഉയര്‍ന്നു. മണലി പുഴയിലെ മാഞ്ഞാംകുഴി റെഗുലേറ്റര്‍ ഷട്ടറിലും കുറുമാലി പുഴയിലെ ആറ്റപ്പിള്ളി ഷട്ടറിലും മരങ്ങളും പാഴ്വസ്​തുക്കളും അടിഞ്ഞ് നീരൊഴുക്ക് തടസ്സപ്പെട്ടു. മുന്‍വര്‍ഷങ്ങളില്‍ മരങ്ങളടിഞ്ഞ് ഇരു ഷട്ടറുകളുടെയും മുകളിലുള്ള പ്രദേശത്ത് പുഴ കരകവിഞ്ഞിരുന്നു. മാഞ്ഞാംകുഴിയില്‍ ചില സന്നദ്ധപ്രവര്‍ത്തകരുടെ നേതൃത്വത്തില്‍ ഷട്ടറിലെ തടസ്സങ്ങള്‍ നീക്കുന്നുണ്ട്. തടസ്സങ്ങള്‍ നീക്കാൻ അടിയന്തര നടപടി സ്വീകരിക്കുന്നതിന് ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കിയതായി മന്ത്രി സി. രവീന്ദ്രനാഥ് അറിയിച്ചു.