പാലിയേക്കര​ ടോൾ പിരിവ്​ നിർത്തണം

തൃശൂർ: പാലിയേക്കര ടോൾ കമ്പനിയുടെ ക്രമക്കേടുകൾക്കും നിയമവിരുദ്ധ നിലപാടുകൾക്കുമെതിരെ സി.ബി.ഐ കേസെടുത്ത സാഹചര്യത്തിൽ ടോൾ പിരിവ് നിർത്തിവെച്ച് അങ്കമാലി ദേശീയപാത സർക്കാർ ഏറ്റെടുക്കണമെന്നും അന്യായമായി അടച്ചുകെട്ടിയ മണലി റോഡ് ജനങ്ങൾക്ക് തുറന്നുകൊടുക്കണമെന്നും സി.പി.ഐ എം.എൽ റെഡ്​സ്​റ്റാർ ജില്ല കമ്മിറ്റി യോഗം ആവശ്യപ്പെട്ടു. ടോൾ വിര​ുദ്ധ സമരത്തിലേർപ്പെട്ട സംഘടനകളുടെ നിലപാടുകൾ ശരിയാണെന്ന്​ വ്യക്തമായ സാഹചര്യത്തിൽ സമരം നടത്തിയവർക്കെതിരെ എടുത്ത കേസുകൾ പിൻവലിക്കണമെന്നും ആവശ്യപ്പെട്ടു. ജയൻ കോനിക്കര അധ്യക്ഷത വഹിച്ചു. കെ.വി. പുരുഷോത്തമൻ, കെ. ശിവരാമൻ, എൻ.ഡി. േവണു, പി.സി​. അജയൻ, എം.വി. ചന്ദ്രൻ എന്നിവർ സംസാരിച്ചു. സി.ബി.ഐ കേസെടുത്ത സാഹചര്യത്തിൽ ടോൾ പിരിവ്​ നിർത്തണ​െമന്ന്​ മോട്ടോർ തൊഴിലാളി യൂനിയൻ (ടി.യു.സി.ഐ) ജില്ല കമ്മിറ്റി യോഗവും ആവശ്യപ്പെട്ടു. കോവിഡ് ലോക്ഡൗൺ മൂലം വൻ പ്രതിസന്ധി നേരിടുന്ന മോട്ടോർ വാഹന മേഖലക്ക്​ ടോൾ പിരിവ്​ വലിയ ഭാരമാണ്​. ആവശ്യമുന്നയിച്ച്​ സമരം ചെയ്യാൻ തീരുമാനിച്ചു. കെ. മുരളി അധ്യക്ഷത വഹിച്ചു. സെക്രട്ടറി സജിമോൻ മാഞ്ഞമറ്റം, ഐ.ആർ. ബിനീഷ്, ജോയ് മുണ്ടത്തിക്കോട്, ദിവ്യ രാജ് എന്നിവർ സംസാരിച്ചു.