ലളിതകലാ അക്കാദമി ചിത്രരചന മത്സര വിജയികളെ പ്രഖ്യാപിച്ചു

തൃശൂർ: കോവിഡ് സമ്പൂർണ ലോക്ഡൗൺ കാലയളവിൽ സ്​കൂൾ വിദ്യാർഥികൾക്കായി കേരള ലളിതകലാ അക്കാദമി 'കൊറോണക്കാലത്തെ നിറക്കൂട്ടുകൾ' എന്ന പേരിൽ നടത്തിയ ചിത്രരചന മത്സര വിജയികളെ പ്രഖ്യാപിച്ചു. ബൈജുദേവ്, ബാലമുരളീ കൃഷ്ണൻ, ടോം ജെ. വട്ടക്കുഴി, ശ്രീജ പള്ളം എന്നീ അക്കാദമി നിർവാഹക സമിതി അംഗങ്ങളാണ് മൂല്യനിർണയം നടത്തിയത്. ഓരോ ജില്ലയിലും വിജയികൾക്ക് സർട്ടിഫിക്കറ്റും സമ്മാനങ്ങളും വരുംദിവസങ്ങളിൽ എത്തിക്കും. വിജയികളെ അക്കാദമി ചെയർമാൻ നേമം പുഷ്പരാജ്, സെക്രട്ടറി പി.വി. ബാലൻ എന്നിവർ അനുമോദിച്ചു. ഫലം അക്കാദമിയുടെ www.lalithkala.orgv വെബ്സൈറ്റിൽ.