വാടാനപ്പള്ളി സ്​റ്റേഷനിലെ പൊലീസുകാരനും ബാങ്ക് ജീവനക്കാരിയായ ഭാര്യക്കും കോവിഡ്

വാടാനപ്പള്ളി: വാടാനപ്പള്ളി പൊലീസ് സ്​റ്റേഷനിലെ കൊടുങ്ങല്ലൂർ സ്വദേശിയായ പൊലീസുകാരനും ബാങ്ക് ജീവനക്കാരിയായ ഭാര്യക്കും കോവിഡ്. ഇരുവർക്കും പനിയും രോഗലക്ഷണവും ഉണ്ടായതോടെ കഴിഞ്ഞ ദിവസം സ്രവം പരിശോധനക്കയച്ചു. വ്യാഴാഴ്ച ഫലം വന്നപ്പോഴാണ് ഇരുവർക്കും പോസിറ്റിവായത്. ഇതോടെ പൊലീസുമായി സമ്പർക്കം ഉണ്ടായിരുന്ന സി.ഐ, എസ്.ഐ അടക്കം 22 പൊലീസുകാരും ക്വാറൻറീനിൽ പോയി. സമ്പർക്കം ഇല്ലാതിരുന്ന 12 പേർ ജോലിക്കുണ്ടാകും. മറ്റ്​ സ്​റ്റേഷനിൽനിന്ന് ഇവിടേക്ക് കൂടുതൽ പൊലീസ് എത്തും. കോവിഡി​ൻെറ പശ്ചാത്തലത്തിൽ സ്​റ്റേഷൻ അണുനശീകരണം നടത്തി.