ഫോ​ട്ടോ അടിക്കുറിപ്പ്​

പാഴ് വണ്ടി കോർപറേഷനിലെ കാൽവരി റോഡരികിൽ മാസങ്ങളായി നിർത്തിയിട്ട വാഹനത്തിൽ തള്ളിയ മാലിന്യപ്പാക്കറ്റുകൾ നിറഞ്ഞ് പരന്നനിലയിൽ. പലപ്പോഴും ഇത് റോഡിലേക്ക് വ്യാപിക്കും (TCT) ചിത്രം IMG20200722092513 പട്ടാളം റോഡ്​ വികസനം: പ്രതിപക്ഷനേതാവിന്​ മേയറുടെ മറുപടി തൃശൂർ: പട്ടാളം റോഡ് വികസനത്തി‍ൻെറ ഭാഗമായി പഴയ പോസ്​റ്റ്​ ഒാഫിസ് കെട്ടിടം പൊളിക്കലും മാരിയമ്മന്‍ കോവിലി‍ൻെറ ഭൂമി വിട്ടുനല്‍കലും പൂര്‍ത്തിയാക്കിയത്​ താനാണെന്നും ഇപ്പോഴത്തെ കൗൺസിൽ വികസനം വൈകിക്കുകയാണെന്നുമുള്ള പ്രതിപക്ഷ നേതാവ്​ രാജൻ ജെ. പല്ല​ൻെറ ആക്ഷേപത്തിന്​ മറുപടിയുമായി മേയർ അജിത ജയരാജൻ. ദീര്‍ഘകാലമായി വിവിധ കൗണ്‍സിലുകളും സര്‍ക്കാറുകളും ഇടപെട്ടാണ്​ പട്ടാളം റോഡ് ഒഴിച്ചുള്ള ഭാഗങ്ങളുടെ വികസനം പൂര്‍ത്തിയായത്​. പോസ്​റ്റ്​ ഒാഫിസ്, മാരിയമ്മന്‍ കോവിലി‍ൻെറ ഭാഗം എന്നിവ മാത്രമാണ് ബാക്കിയുണ്ടായിരുന്നത്. ഈ വികസനം പൂര്‍ത്തിയാക്കാൻ കഴിഞ്ഞ കൗൺസിൽ ഒരു നിയമനടപടിയും എടുത്തില്ല. 2015ലെ കോര്‍പറേഷന്‍ തെരഞ്ഞെടുപ്പിന് തൊട്ടുമുമ്പ് ഒക്ടോബറില്‍ നിയമവിരുദ്ധമായ കരാർ ഉണ്ടാക്കുകയാണ്​ ചെയ്​തത്​. ഇതി​ലെ വ്യവസ്ഥ നടപ്പാക്കാൻ സംസ്ഥാന, കേന്ദ്രസർക്കാറുകളുടെ അംഗീകാരം വേണതുണ്ടായിരുന്നു. അതിനുള്ള ഒരു കടലാസും സർക്കാറുകളിലേക്ക്​ അയച്ചിരുന്നില്ല. പടിഞ്ഞാറേകോട്ടയിലെ 10 കുടുംബങ്ങളെയും കണ്ണൻകുളങ്ങരയിലെ ചില കുടുംബങ്ങളെയും വഴിയാധാരമാക്കിയതുപോലെ ഈ കരാർ ​പ്രകാരം പോസ്​റ്റ്​ ഒാഫിസിനെയും മാരിയമ്മന്‍ കോവിലിനെയും ഒഴിവാക്കാന്‍ കഴിയില്ലെന്ന്​ അവർ അറിയാമായിരുന്നു. ഇതെല്ലാം മനസ്സിലാക്കിയാണ്​ ഇപ്പോഴത്തെ കൗണ്‍സിൽ നിരന്തരം ശ്രമിച്ച്​ കേന്ദ്രസർക്കാറി​ൻെറ കാബിനറ്റ്​ തീരുമാനവും തപാൽ-ടെലിഗ്രാഫ്​ വകുപ്പി​ൻെറ അംഗീകാരവും സംസ്ഥാന സര്‍ക്കാറില്‍നിന്ന് കോര്‍പറേഷ​ൻെറ ഭൂമി കൈമാറാനുള്ള അനുമതിയും സമ്പാദിച്ച്​ കെട്ടിടം പൊളിച്ചത്​. മാരിയമ്മന്‍ കോവിലുമായി മുമ്പ്​ ചില കൂടിയാലോചന നടന്നെങ്കിലും കോവില്‍ കമ്മിറ്റിയോ കൗണ്‍സിലോ കലക്​ടറോ സര്‍ക്കാറോ തീരുമാനം എടുത്തിരുന്നില്ല. ഇപ്പോഴത്തെ കൗണ്‍സിലുമായി ചർച്ചചെയ്​ത്​ കഴിഞ്ഞ മാസമാണ്​ ഭൂമി വിട്ടുതരാൻ കോവില്‍ കമ്മിറ്റി തീരുമാനിച്ചത്​. ഇത്​ ഈമാസം 15ന്​ കൗൺസിൽ ചർച്ച ചെയ്​ത്​ അംഗീകരിച്ചു. അതി​ൻെറ ഭാഗമായി നടക്കുന്ന പ്രവർത്തനത്തിന്​ തുരങ്കംവെക്കാൻ ശ്രമിക്കുന്നവരാണ്​ എട്ടുകാലി മമ്മൂഞ്ഞി‍ൻെറ വേഷം അണിയുന്നതെന്നും 'എ‍ൻെറ അമ്മാവന്‍ അങ്കമാലിയിലെ പ്രധാനമന്ത്രിയാണ്​' എന്ന്​ പറയുന്ന മാനസികാവസ്ഥയാണ് ഇവരെ നയിക്കുന്നതെന്നും മേയര്‍ പറഞ്ഞു.