ഭണ്ഡാരം മോഷണം പോയി

കൊടുങ്ങല്ലൂർ: കൊടുങ്ങല്ലൂരിനടുത്ത് മതിലകം പോലീസ് സ്​റ്റേഷൻ പരിധിയിൽ വരുന്ന കോതപറമ്പ് ജുമാമസ്ജിദിൻെറ രണ്ട് ഭണ്ഡാരങ്ങൾ മോഷണം പോയി. വെള്ളിയാഴ്ച അർധരാത്രിക്ക് ശേഷമാണ് സംഭവം. ദേശീയ പാതയോട് ചേർന്ന് മസ്ജിദിൻെറ മുൻപിലും തെക്ക് ഭാഗത്ത് മദ്​റസയുടെ സമീപവും സ്ഥാപിച്ചിരുന്ന ഭണ്ഡാരങ്ങളാണ് കവർന്നത്. നോമ്പ് വേളയിലാണ് അവസാനമായി ഭണ്ഡാരങ്ങൾ തുറന്ന് പണമെടുത്തത്. കള്ള​ൻെറ അവ്യക്ത രൂപം പള്ളിയിലെ സി.സി.ടി.വിയിൽ പതിഞ്ഞിട്ടുണ്ട്. മതിലകം പൊലീസ് അന്വേഷണം തുടങ്ങി.