ദേശീയപാത: സർക്കാരി​​േൻറത്​ റിയൽ എസ്​േറ്ററ്റ് തന്ത്രം -എൻ.എച്ച് ആക്​ഷൻ കൗൺസിൽ

തൃശൂർ: ബി.ഒ.ടി ചുങ്കപ്പാതക്ക് ഭൂമി ഏറ്റെടുക്കുമ്പോൾ കെട്ടിടങ്ങളുടെ കാലപ്പഴക്കം അനുസരിച്ച് നഷ്​ടപരിഹാരം കുറക്കില്ലെന്നും മന്ത്രിമാരും ഉദ്യോഗസ്ഥരുമൊക്കെ ആവർത്തിച്ച് പറഞ്ഞുകൊണ്ടിരുന്നത് ഭൂമി ഏറ്റെടുക്കാനുള്ള തട്ടിപ്പ് മാത്രമായിരുന്നുവെന്ന് സർക്കാർ രേഖകൾ വ്യക്തമാക്കുന്നതായി ആക്​ഷൻ കൗൺസിൽ ഭാരവാഹികൾ. പുതിയ കെട്ടിടം നിർമിക്കാൻ ചെലവാകുന്ന തുക നഷ്​ടപരിഹാരമായി നൽകുമെന്ന്​ പറഞ്ഞവർ ജനത്തെ വഞ്ചിക്കുകയാണെന്ന്​ സംസ്ഥാന ചെയർമാൻ ഇ.വി. മുഹമ്മദലി, ജില്ല ചെയർമാൻ എ.ജി. ധർമരത്‌നം, കൺവീനർ സി.കെ. ശിവദാസൻ എന്നിവർ വ്യക്​തമാക്കി. വീടും ഭൂമിയും വാങ്ങാൻ വരുന്ന റിയൽ എസ്​റ്റേറ്റുകാർ വീടി​ൻെറ കാലപ്പഴക്കമനുസരിച്ച് വില നിശ്ചയിക്കാറുണ്ട്. അത് കച്ചവട തന്ത്രം. എന്നാൽ, ഇത് ഒരു പദ്ധതിക്കായി സർക്കാർ വീട് പൊളിച്ചു കളയുകയാണ്. പകരം ഒന്നു നിർമിച്ചേ മതിയാകൂ. നഷ്​ടപ്പെടലിന്‌ അതിനുതകുന്ന തുക കൊടുക്കാൻ സർക്കാരിന് ബാധ്യതയുണ്ട്. 20 വർഷം പഴക്കമുള്ള 1000 ച. അടി കെട്ടിടത്തിന് രണ്ടു ലക്ഷം രൂപ പോലും കിട്ടാനിടയില്ല. വീട് നഷ്​ടപ്പെടുന്ന ഒരു കുടുംബത്തിന് ലഭിക്കുന്ന നഷ്​ടപരിഹാരം ഉപയോഗിച്ച് നഷ്​ടപ്പെട്ടതി​ൻെറ പത്തിലൊന്ന് പോലും പകരം നിർമിക്കാനാവില്ലെന്ന് വ്യക്തമാണെന്നും ആക്​ഷൻ കൗൺസിൽ നേതാക്കൾ അഭിപ്രായപ്പെട്ടു.