ഇരുചക്ര വാഹന മോഷണം: പ്രതിക്ക്​ ആറുമാസം തടവ്

ചാലക്കുടി: പഴയ ഇരുചക്ര വാഹനങ്ങൾ മോഷ്​ടിച്ച്​ തമിഴ്​നാട്ടിലേക്ക്​ കടത്തുന്ന കേസിൽ പ്രതിക്ക്​ ആറുമാസം തടവ്​. പരിയാരം മുനിപ്പാറ കിഴക്കുംതല വീട്ടിൽ മുനിപ്പാറ നസീറിനെയാണ്​ (നസി -43) ചാലക്കുടി ജുഡീഷ്യൽ ഒന്നാം ക്ലാസ്​ കോടതി ശിക്ഷിച്ചത്. ചാലക്കുടി ടൗണിലെയും പരിസരങ്ങളിലെയും വിവിധ സ്ഥലങ്ങളിൽ നിന്നായി നിരവധി വാഹനങ്ങൾ മോഷണം പോയതോടെ രൂപവത്​കരിച്ച പ്രത്യേക അന്വേഷണ സംഘമാണ്​ പ്രതിയെ പിടികൂടിയത്​.