അഷ്ടമിരോഹിണി: ഗുരുവായൂരിൽ ദർശന ക്രമീകരണം

ഗുരുവായൂർ: അഷ്ടമിരോഹിണി ദിനമായ വ്യാഴാഴ്ച ഗുരുവായൂർ ക്ഷേത്രത്തിൽ ദർശനം ക്രമീകരിക്കും. സീനിയർ സിറ്റിസൺ, തദ്ദേശീയർ എന്നിവർക്കുള്ള ദർശനം പുലർച്ച നാലുമുതൽ അഞ്ചുവരെ മാത്രമായിരിക്കും. രാവിലെ ആറുമുതൽ ഉച്ചക്ക്​ രണ്ടുവരെ ശയനപ്രദക്ഷിണം ഉൾപ്പെടെ ഒരു പ്രദക്ഷിണവും ക്ഷേത്രത്തിൽ അനുവദിക്കില്ല. അഷ്ടമിരോഹിണി ദിവസം കുഞ്ഞുങ്ങൾക്ക് ചോറൂൺ വഴിപാട് നടത്താം. എന്നാൽ, ചോറൂൺ കഴിഞ്ഞ് കുട്ടികൾക്ക് ദർശനസൗകര്യം ഉണ്ടാകില്ല. പ്രസാദഊട്ട് രാവിലെ ഒമ്പതിന് ആരംഭിക്കും. ഊട്ടിനുള്ള വരി ഉച്ചക്ക് രണ്ടിന് അവസാനിപ്പിക്കും.