കെ.പി. പ്രഭാകരൻ അവാർഡ്​ കമല സദാനന്ദന്​

തൃശൂര്‍: സി.പി.ഐ നേതാവും സ്വാത​ന്ത്ര്യ മര സേനാനിയും മന്ത്രിയുമായിരുന്ന കെ.പി. പ്രഭാകരന്‍റെ സ്മരണക്ക്​ കേരള സ്റ്റേറ്റ് ചെത്തുതൊഴിലാളി ഫെഡറേഷൻ പൊതുപ്രവർത്തകർക്ക്​ നൽകുന്ന അവാർഡ്​ ഈവർഷം കമല സദാനന്ദന് സമ്മാനിക്കുമെന്ന്​ ഫെഡറേഷൻ പ്രസിഡന്‍റ്​ കെ.പി. രാജേന്ദ്രൻ, വർക്കിങ്ങ് പ്രസിഡന്‍റ്​ ഡി.പി. മധു, ജനറൽ സെക്രട്ടറി ടി.എൻ. രമേശൻ എന്നിവര്‍ അറിയിച്ചു. 11ന് കെ.പി. പ്രഭാകരൻ ദിനത്തിൽ അന്തിക്കാട്ട്​ നടക്കുന്ന അനുസ്മരണ സമ്മേളനത്തിൽ അവാർഡ് നല്‍കും. 25,000 രൂപയും ഫലകവും പ്രശസ്തി പത്രവുമാണ്​ അവാർഡ്. സി.പി.​ഐ ദേശീയ കൗൺസിൽ അംഗം, കേരള മഹിള സംഘം സംസ്ഥാന ജനറൽ സെകട്ടറി, നാഷനൽ ഫെഡറേഷൻ ഓഫ് ഇന്ത്യൻ വുമൺ ദേശീയ വൈസ് പ്രസിഡന്‍റ്​, ബ്ലോക്ക് പഞ്ചായത്ത് അംഗം, സംസ്ഥാന പൊതുമേഖല സ്ഥാപനമായ മീറ്റ് പ്രൊഡ്​ക്സ്​ ഓഫ് ഇന്ത്യ ചെയർപേഴ്സൻ, വർക്കിങ്​ വുമൺ ഫോറം സംസ്ഥാന രക്ഷാധികാരി തുടങ്ങിയ ചുമതലകൾ വഹിക്കുന്ന കമല സദാനന്ദൻ ചെത്തുതൊഴിലാളി കുടുംബാംഗമാണ്. TCG 1 Kamala Sadanandan - K.P. Prabhakaran award