മജ്ജ മാറ്റിവെക്കാൻ ജിഷ്ണു സഹായം തേടുന്നു

ചാലക്കുടി: മേലൂർ പുഷ്പഗിരി കുളങ്ങരക്കാട്ടിൽ ഷാജിയുടെ മകൻ ജിഷ്ണു (25) ഗുരുതര രോഗത്തിന്‍റെ ചികിത്സക്ക്​ ഉദാരമതികളുടെ സഹായത്തിന്​ കാത്തിരിക്കുന്നു. 'അപ്ലാസ്റ്റിക് അനീമിയ' എന്ന അസുഖം ബാധിച്ച ജിഷ്ണുവിന്​ എത്രയുംവേഗം മജ്ജ മാറ്റിവെക്കണമെന്നാണ്​ ഡോക്ടർ പറഞ്ഞിരിക്കുന്നത്​. പെയിന്‍റിങ്​ തൊഴിലാളിയായ ജിഷ്ണു രണ്ടര വർഷം മുമ്പാണ്​ വിവാഹിതനായതാണ്​. ഒന്നര വയസ്സുള്ള മകനുണ്ട്. ജിഷ്ണുവിന്‍റെ വരുമാനംകൊണ്ടാണ് കുടുംബം മന്നോട്ട് പോയിരുന്നത്. ആസ്റ്റർ മെഡ്​സിറ്റി ആശുപത്രിയിൽ 30 ലക്ഷത്തോളം രൂപ ചെലവ് വരുന്ന ചികിത്സക്ക്​ നാട്ടുകാരുടെ നേതൃത്വത്തിൽ പഞ്ചായത്ത് പ്രസിഡന്‍റ്​ എം.എസ്. സുനിത ചെയർപേഴ്സനും വാർഡ് അംഗം സൗമ്യ മോഹൻദാസ് ജനറൽ കൺവീനറുമായി ഫെഡറൽ ബാങ്കിന്‍റെ മേലൂർ ശാഖയിൽ ജിഷ്ണു സഹായ നിധി അക്കൗണ്ട് ആരംഭിച്ചിട്ടുണ്ട്. അക്കൗണ്ട്​ നമ്പർ: 20740100066569 ഐ.എഫ്​.എസ്​ കോഡ്​: FDRL 0002074 എം.ഐ.സി.ആർ കോഡ്​: 680049049 G Pay: 9544336432. --------------------- TCMChdy - 3 help Jishnu സഹായം തേടുന്ന ജിഷ്ണു