പാലിയേക്കര ടോൾ പ്ലാസ നിർത്തണം -എം.എൽ.എ

ആമ്പല്ലൂർ: മണ്ണുത്തി-ഇടപ്പള്ളി ദേശീയപാതയിലെ പാലിയേക്കര ടോൾ പ്ലാസ പ്രവർത്തനം നിർത്തണമെന്ന് ആവശ്യപ്പെട്ട് കെ.കെ. രാമചന്ദ്രൻ എം.എൽ.എ കേന്ദ്ര ഗതാഗതമന്ത്രി നിതിൻ ഗഡ്കരിക്കും മന്ത്രി പി.എ. മുഹമ്മദ് റിയാസിനും ദേശീയപാത പ്രോജക്ട്​ ഡയറക്ടർക്കും കത്ത് നൽകി. ദേശീയപാതയിൽ 60 കി.മീറ്ററിനുള്ളിൽ രണ്ട് ടോൾ ബൂത്ത്​ പാടില്ലെന്ന കേന്ദ്രനയം കേന്ദ്രമന്ത്രി ആവർത്തിച്ച സാഹചര്യത്തിലാണിത്​. ദേശീയപാത 544 പാലക്കാട് മുതൽ ഇടപ്പള്ളി വരെ 60 കി.മീറ്ററിനുള്ളിൽ പാലിയേക്കരയിലും പന്നിയങ്കരയിലും ടോൾ പ്ലാസയുണ്ട്​. പന്നിയങ്കര ടോൾ പ്ലാസയിലേക്ക് പാലിയേക്കരയിൽനിന്ന്​ 33 കി.മീറ്ററേ ഉള്ളൂവെന്ന്​ കത്തിൽ ചൂണ്ടിക്കാട്ടുന്നു.