യുവാക്കൾ തമ്മിൽ സംഘർഷം; ഒരാൾക്ക് പരിക്ക്​

മാള: അഷ്ടമിച്ചിറ ആനപ്പാറയിൽ യുവാക്കൾ തമ്മിലുണ്ടായ സംഘർഷത്തിൽ ഒരാൾക്ക് പരിക്കേറ്റു. ആനപ്പാറ നന്ദിരവീട്ടിൽ സുഭാഷിനാണ്​ (40) ഗുരുതരമായി പരിക്കേറ്റത്. ഇടത്തെ കൈക്കാണ് ആയുധം ഉപയോഗിച്ച്​ മുറിവേറ്റത്. പരിക്കേൽപ്പിച്ചതായി പറയുന്ന ആനപ്പാറ പയ്യാക്കൽ രാജേഷിനെ (39) പൊലീസ് കസ്റ്റഡിയിൽ എടുത്തു. ഒരേ പ്രദേശത്തുകാരായ ഇവർ തമ്മിൽ സാമ്പത്തിക ഇടപാടുകൾ നടന്നിട്ടുള്ളതായി നാട്ടുകാർ പറയുന്നു.