സംസ്ഥാന റവന്യൂ കലോത്സവം യു.ഡി.എഫ്​ ബഹിഷ്കരിച്ചു

തൃശൂർ: തൃശൂരിൽ ആരംഭിച്ച സംസ്ഥാന റവന്യൂ കലോത്സവ ചടങ്ങുകൾ യു.ഡി.എഫ്​ ജനപ്രതിനിധികൾ ബഹിഷ്കരിച്ചു. പ്രോഗ്രാം നോട്ടീസിൽ പ്രോട്ടോകോൾ ലംഘനത്തിലും സർക്കാർ സംവിധാനം ഉപയോഗിച്ച്​ വ്യാപകമായി പണം പിരിക്കുന്നതിൽ പ്രതിഷേധിച്ചുമാണ്​ ബഹിഷ്കരണമെന്ന്​ യു.ഡി.എഫ്​ ജില്ല ചെയർമാൻ ​ജോസഫ്​ ചാലിശ്ശേരി അറിയിച്ചു. പ്രോട്ടോകോൾ പ്രകാരം എം.എൽ.എക്ക്​ മുകളിലാണ്​ എം.പിയുടെ സ്ഥാനം. എന്നാൽ പ്രോഗ്രാം നോട്ടീസിൽ തൃശൂർ എം.എൽ.എക്ക്​ താഴെയാണ്​ ജില്ലയിൽനിന്നുള്ള മൂന്ന്​ എം.പിമാരുടെയും പേര്​ ഉൾപ്പെടുത്തിയത്​. ഇത്​ കടുത്ത പ്രോട്ടോകോൾ ലംഘനമാണെന്ന്​ ജോസഫ്​ ചാലിശ്ശേരി ചൂണ്ടിക്കാട്ടി.