മുന്നേറ്റം തുടർന്ന്​ ഗവ. നളന്ദ സ്കൂൾ

കിഴുപ്പിള്ളിക്കര: കിഴുപ്പിള്ളിക്കര ഗവ. നളന്ദ ഹയർ സെക്കൻഡറി സ്കൂൾ പഠന രംഗത്ത് മുന്നേറ്റം തുടരുന്നു. എസ്.എസ്.എൽ.സി പരീക്ഷയിൽ തുടർച്ചയായി 19ാം വർഷവും 100 ശതമാനം വിജയം നേടിയ സ്കൂൾ പ്ലസ് ടു പരീക്ഷയിലും മികവ്​ പുലർത്തി. പഠനത്തിൽ പിന്നാക്കമുള്ള കുട്ടികളെ കണ്ടെത്തി പ്രത്യേക പരിശീലനം നൽകിയാണ് വിജയത്തിലേക്ക് നയിച്ചത്. പിന്തുണയുമായി പി.ടി.എയും ജനപ്രതിനിധികളും ഉണ്ടായിരുന്നു.