നിയമം ലംഘിച്ച്​ കോൺഗ്രസ്​ ഓഫിസ്​ നിർമാണം; പൊളിക്കാൻ വീണ്ടും നോട്ടീസ്

ചാലക്കുടി: മേലൂരിൽ നിയമം ലംഘിച്ച്​ കോൺഗ്രസ്​ പാർട്ടി നിർമിക്കുന്ന ഓഫിസ് കെട്ടിടം പൊളിക്കാൻ പഞ്ചായത്ത് സെക്രട്ടറി വീണ്ടും നോട്ടീസ് നൽകി. അനധികൃത നിർമാണം 15 ദിവസത്തിനകം പൊളിച്ച് മാറ്റണമെന്നാണ് ആവശ്യപ്പെട്ടിരിക്കുന്നത്​. മേലൂർ പള്ളിനട സെന്‍ററിലാണ്​ കെട്ടിടനിർമാണം. പഞ്ചായത്ത് രാജ് ചട്ടങ്ങൾ മറികടന്നാണ്​ കെട്ടിടം നിർമിക്കുന്നതെന്ന്​ പരാതി ഉയർന്നിരുന്നു. തുടർന്ന് പഞ്ചായത്ത് അധികൃതർ സ്റ്റോപ്പ് മെമ്മോ നൽകുകയും പൊലീസ്​ നിർമാണം നിർത്തിവെപ്പിക്കുകയും ചെയ്തു. എന്നാൽ, അതേസ്ഥലത്ത് വീണ്ടും നിർമാണം ആരംഭിക്കുകയായിരുന്നു. ഇതിനെതി​രെ പ്രദേശത്ത്​ പ്രതിഷേധം ഉയർന്നിട്ടുണ്ട്​. പഞ്ചായത്ത് സെക്രട്ടറി കൊരട്ടി പൊലീസിൽ വീണ്ടും പരാതി നൽകി​.