അക്ഷര കൈരളി ശിൽപശാല നടത്തി

അഴീക്കോട്: കയ്പമംഗലം നിയോജക മണ്ഡലത്തിന്‍റെ തനത് വിദ്യാഭ്യാസ പദ്ധതിയായ അക്ഷര കൈരളിയുടെ അക്കാദമിക മാസ്റ്റർപ്ലാൻ വിപുലീകരണ സ്കൂൾതല ശിൽപശാല ഹമദാനിയ യു.പി സ്കൂളിൽ സംഘടിപ്പിച്ചു. പഞ്ചായത്ത് പ്രസിഡന്‍റ്​ കെ.പി. രാജൻ യോഗം ഉദ്ഘാടനം ചെയ്തു. റിസോഴ്സ് പേഴ്​സൻ സന്തോഷ് മാസ്റ്റർപ്ലാൻ വിശദീകരിച്ചു. രക്ഷിതാക്കൾ, അധ്യാപകർ, ജനപ്രതിനിധികൾ, കലാകായിക പ്രവർത്തകർ, സാംസ്കാരിക വിദ്യാഭ്യാസ പ്രവർത്തകർ തുടങ്ങി നിരവധി പേർ സ്കൂളിന്‍റെ അക്കാദമികവും ഭൗതികവുമായ വികാസത്തിന് അവശ്യമായ നിർദേശങ്ങൾ പങ്കുവെച്ചു.