'കൈകോർക്കാം, കൈത്താങ്ങാകാം' തുടങ്ങി

ചാലക്കുടി: പരിയാരം പഞ്ചായത്തിലെ ഏക സർക്കാർ വിദ്യാലയമായ കൊന്നക്കുഴി ഗവ. എൽ.പി സ്കൂളിൽ കേരള മഹിള സംഘം പഞ്ചായത്ത് കമ്മിറ്റിയുടെ 'കൈകോർക്കാം കൈത്താങ്ങാകാം' പരിപാടി തുടങ്ങി. ആദ്യപടിയായി സ്കൂളിലെ മുഴുവൻ കുട്ടികൾക്കും ബാഗും കുടയും നോട്ട്​ബുക്കുകളും വിതരണം ചെയ്തു. പരിപാടി വാർഡ് അംഗവും പരിയാരം പഞ്ചായത്ത് വികസനകാര്യ സ്ഥിരം സമിതി ചെയർപേഴ്സനുമായ ഷീബ ഡേവിസ് ഉദ്ഘാടനം ചെയ്തു. മഹിളസംഘം പഞ്ചായത്ത് കമ്മിറ്റി അംഗം റിൻസി റഷീദ് അധ്യക്ഷത വഹിച്ചു. സ്കൂളി​​ന്‍റെ സമഗ്രവികസനവും അടുത്ത അധ്യയന വർഷത്തിലേക്ക് കൂടുതൽ കുട്ടികളെ ആകർഷിക്കുകയും ചെയ്യുകയാണ് പരിപാടിയുടെ ലക്ഷ്യം. തിങ്കളാഴ്ച ഹാജരായ കുട്ടികളിൽനിന്ന്​ നറുക്കെടുത്ത ഭാഗ്യശാലിക്ക് മഹിള സംഘം മണ്ഡലം പ്രസിഡന്റ് ബിജി സദാനന്ദൻ സൈക്കിൾ സമ്മാനിച്ചു. മഹിള സംഘം ജില്ല കമ്മിറ്റി അംഗം ഉഷ പരമേശ്വരൻ, പി.ടി.എ പ്രസിഡന്‍റ്​ രമ്യ സുബ്രൻ, സി.പി.ഐ ലോക്കൽ സെക്രട്ടറി വി.എം. ടെൻസൻ, ബിജി സദാനന്ദൻ, പ്രധാനാധ്യാപിക സി.ജെ. ടോയ്സി എന്നിവർ സംസാരിച്ചു. ----------- TCMChdY - 3 പരിയാരം കൊന്നക്കുഴി എൽ.പി സ്കൂളിൽ കൈകോർക്കാം, കൈത്താങ്ങാകാം പരിപാടിയുടെ ഭാഗമായി പഠനോപകരണങ്ങൾ നൽകുന്നു