അപകടത്തിൽ അഞ്ചു പേർക്ക് പരിക്ക്

കൊടുങ്ങല്ലൂർ: ദേശീയപാതയിൽ ശ്രീനാരായണപുരം പള്ളി നടയിൽ കെ.എസ്.ആർ.ടിസി ബസും കാറും കൂട്ടിയിടിച്ച് കാർ യാത്രക്കാരായ അഞ്ചു പേർക്ക് പരിക്കേറ്റു. ആലുവ കൊങ്ങോർപ്പുള്ളി മഠത്തിപറമ്പിൽ കുമാരന്റെ മകൻ ഗിരീഷ് (46), ഭാര്യ സരിത, ഇവരുടെ മക്കളായ അഭിനവ് (ഏഴ്​), വൈഷ്ണവ് (ഒമ്പത്​), ഗിരീഷിന്റെ സഹോദരി സുനിത എന്നിവർക്കാണ് പരിക്കേറ്റത്. അഭിനവിനെ എറണാകുളം ആസ്റ്റർ മെഡിസിറ്റിയിലേക്ക് കൊണ്ടുപോയി. മറ്റുള്ളവരെ ടി.കെ.എസ് പുരത്തെ മെഡികെയർ ആശുപത്രിയിൽ പ്രവേശിപ്പിച്ചു.