പുകയില വിരുദ്ധ റാലി

പെരിഞ്ഞനം: സാമൂഹികാരോഗ്യ കേന്ദ്രത്തിന്‍റെ ആഭിമുഖ്യത്തിൽ പുകയില വിരുദ്ധ ദിന റാലിയും ബോധവത്കരണ പരിപാടിയും സംഘടിപ്പിച്ചു. പെരിഞ്ഞനം സെന്‍ററിലും മൂന്നുപീടിക, ആശുപത്രി പരിസരം എന്നിവിടങ്ങളിലും ബോധവത്​കരണത്തിന്‍റെ ഭാഗമായി ഫ്ലാഷ് മോബ് അവതരിപ്പിച്ചു. ആശുപത്രി സൂപ്രണ്ട് ഡോ. സാനു എം. പരമേശ്വരൻ അധ്യക്ഷത വഹിച്ചു. ഡോ. കെ.ജെ. ജീന, ഡോ. സെയ്ത്, പഞ്ചായത്ത് സ്റ്റാൻഡിങ്​ കമ്മിറ്റി ചെയർമാൻ എൻ.കെ. അബ്ദുൽ നാസർ എന്നിവർ പുകയില വിരുദ്ധ ദിന സന്ദേശം നൽകി. പി.ആർ.ഒ വിബിൻ വിജയ്, ജെ.പി.എച്ച്.എൻ പി.എം. ലൗലി, ജൂനിയർ ഹെൽത്ത് ഇൻസ്‌പെക്ടർ എൽ. അഖില എന്നിവർ സംസാരിച്ചു.