വി.കെ. രാജൻ അനുസ്മരണം

കയ്പമംഗലം: സി.പി.ഐ നേതാവും കൃഷി മന്ത്രിയുമായിരുന്ന വി.കെ. രാജന്‍റെ 25ാം ചരമ വാർഷികത്തോടനുബന്ധിച്ച് സി.പി.ഐ കയ്‌പമംഗലം മണ്ഡലം കമ്മിറ്റി പെരിഞ്ഞനത്ത് പ്രകടനവും പൊതുയോഗവും നടത്തി. സി.പി.ഐ ദേശീയ കൗൺസിൽ അംഗം കെ.പി. രാജേന്ദ്രൻ ഉദ്ഘാടനം ചെയ്തു. ഇ.ടി. ടൈസൻ എം.എൽ.എ അധ്യക്ഷത വഹിച്ചു. സി.പി.ഐ മലപ്പുറം ജില്ല അസി. സെക്രട്ടറി അജിത് കൊളാടി മുഖ്യപ്രഭാഷണം നടത്തി. ടി.കെ. സുധീഷ്, ടി.പി. രഘുനാഥ്, പി.വി. മോഹനൻ, കെ.എസ്. ജയ, ബി.എ. ഗോപി, അഡ്വ. എ.ഡി. സുദർശനൻ, വി.എ. കൊച്ചു മൊയ്തീൻ, കെ.എ. അഖിലേഷ്, ഹഫ്സ ഒഫൂർ, സായിദ മുത്തുകോയ തങ്ങൾ, വത്സമ്മ എന്നിവർ സംസാരിച്ചു.