സംരംഭകത്വ ബോധവത്കരണ ശിൽപശാല

എറിയാട്: സംസ്ഥാന സർക്കാരിന്‍റെ 'ഒരു വർഷം, ഒരു ലക്ഷം സംരംഭം' പദ്ധതിയുടെ ഭാഗമായി എറിയാട് പഞ്ചായത്തും വ്യവസായ-വാണിജ്യ വകുപ്പും സംയുക്തമായി സംഘടിപ്പിച്ചു. സംരംഭം തുടങ്ങാൻ താൽപര്യമുള്ളവർക്ക് മികച്ച അവസരമൊരുക്കി വായ്പ അടക്കമുള്ള സഹായം സമയബന്ധിതമായി ലഭ്യമാക്കുക, ലൈസൻസ്, സബ്സിഡി, വായ്‌പ, സംരംഭം എന്നിവയെക്കുറിച്ച വിവരങ്ങൾ ജനങ്ങളിലെത്തിക്കുക എന്നിവയാണ് പദ്ധതി ലക്ഷ്യമിടുന്നത്. പഞ്ചായത്ത് പ്രസിഡന്‍റ്​ കെ.പി. രാജൻ ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷൻ പി.കെ. അസീം, ബ്ലോക്ക് പഞ്ചായത്ത് അംഗം നൗഷാദ് കറുകപ്പാടത്ത്, പഞ്ചായത്ത് സ്ഥിരം സമിതി അധ്യക്ഷരായ അംബിക ശിവപ്രിയൻ, നജ്മൽ ഷക്കീർ, പി.കെ. മുഹമ്മദ് എന്നിവർ പങ്കെടുത്തു.