തിബിയാൻ കോൺവെക്കേഷൻ

കൊടുങ്ങല്ലൂർ: അഴീക്കോട് തിബിയാൻ പ്രീ സ്കൂൾ വിദ്യാർഥികളുടെ കോൺവെക്കേഷൻ ചടങ്ങ്​ ആസാ ഗ്രൂപ് ചെയർമാൻ സി.പി. സാലിഹ് ഉദ്ഘാടനം ചെയ്തു. തിബിയാനിൽ ഖുർആൻ പ്രാഥമിക പഠനം പൂർത്തിയാക്കിയ 32 വിദ്യാർഥികൾക്കുള്ള സർട്ടിഫിക്കറ്റുകൾ അദ്ദേഹം വിതരണം ചെയ്തു. മാനേജിങ് ഡയറക്ടർ ഷമീർ എറിയാട് ആമുഖഭാഷണവും ഡയറക്ടർ മാഹീൻ സുഹ്​രി മുഖ്യപ്രഭാഷണവും നടത്തി. പി.കെ. മുഹമ്മദ് ഷമീർ അധ്യക്ഷത വഹിച്ചു. ജീവകാരുണ്യ രംഗത്ത് മികച്ച സേവന പ്രവർത്തനങ്ങൾക്ക് നേതൃത്വം നൽകുന്ന സി.പി. മുഹമ്മദ് ചാരിറ്റബ്​ൾ ട്രസ്റ്റിനുള്ള ഉപഹാരം സി.പി. സാലിഹ് ഏറ്റുവാങ്ങി. പേബസാർ മഹല്ല് പ്രസിഡന്‍റ്​ എ.എ. മുഹമ്മദ് ഇഖ്ബാൽ, പി.എസ്. മുജീബ് റഹ്മാൻ, എ.കെ. അബ്ദുൽ മജീദ് എന്നിവർ സംസാരിച്ചു. ജനറൽ സെക്രട്ടറി പി.യു. ഷമീർ സ്വാഗതവും പി.കെ. അബ്ദുൽ ജബ്ബാർ നന്ദിയും പറഞ്ഞു. കുരുന്നുകളുടെ കലാ പ്രകടനങ്ങളും അരങ്ങേറി. TCK.KDR.C.P.SALIH സി.പി. മുഹമ്മദ് ചാരിറ്റബ്​ൾ ട്രസ്റ്റിനുള്ള പുരസ്കാരം സി.പി. സാലിഹ് ഏറ്റുവാങ്ങുന്നു