പോ​ക്സോ കേ​സിൽ പ്രതിക്ക് മൂ​ന്നു​വ​ർ​ഷം ക​ഠി​ന​ത​ട​വും 50,000 രൂ​പ പി​ഴ​യും

പ​ത്ത​നം​തി​ട്ട: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ച പ്ര​തി​ക്ക്​ മൂ​ന്നു വ​ർ​ഷം ക​ഠി​ന​ത​ട​വും 50,000 രൂ​പ പി​ഴ​യും ശി​ക്ഷ. തൃ​ശൂ​ർ ചാ​വ​ക്കാ​ട് പു​ന്ന​യൂ​ർ​ക്കു​ളം അ​ണ്ട​ത്തോ​ട് ചെ​റാ​യി തേ​ൻ​പ​റ​മ്പി​ൽ ടി.​എ​ൻ. പ്ര​വീ​ണി​നെ​യാ​ണ്​ (21) ശി​ക്ഷി​ച്ച​ത്. പ​ത്ത​നം​തി​ട്ട അ​തി​വേ​ഗ സ്പെ​ഷ​ൽ കോ​ട​തി ജ​ഡ്ജി ഡോ​ണി തോ​മ​സ് വ​ർ​ഗീ​സാ​ണ്​ വി​ധി പു​റ​പ്പെ​ടു​വി​ച്ച​ത്.

പി​ഴ അ​ട​ച്ചി​ല്ലെ​ങ്കി​ൽ മൂ​ന്നു​മാ​സം അ​ധി​ക ത​ട​വ് അ​നു​ഭ​വി​ക്ക​ണം. വീ​ട്ടു​കാ​ർ, മൊ​ബൈ​ൽ ഫോ​ൺ ഉ​പ​യോ​ഗം വി​ല​ക്കി​യ​തി​നെ തു​ട​ർ​ന്ന്​ 2023 ഫെ​ബ്രു​വ​രി 26ന് ​വീ​ട്ടി​ലെ കി​ട​പ്പു​മു​റി​യി​ൽ കു​ട്ടി​യെ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. അ​സ്വാ​ഭാ​വി​ക മ​ര​ണ​ത്തി​ന് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്ത​വെ, ഇ​ൻ​സ്റ്റാ​ഗ്രാ​മി​ലൂ​ടെ പ​രി​ച​യ​പ്പെ​ട്ട യു​വാ​വ് കു​ട്ടി​യു​മാ​യി സൗ​ഹൃ​ദം സ്ഥാ​പി​ച്ച്​ കു​ട്ടി​യു​ടെ വീ​ട്ടി​ൽ താ​മ​സി​ച്ച​താ​യും ലൈം​ഗി​ക പീ​ഡ​ന​ത്തി​ന് ഇ​ര​യാ​ക്കി​യെ​ന്നും അ​ന്വേ​ഷ​ണ​ത്തി​ൽ വെ​ളി​വാ​യി. അ​ന്ന​ത്തെ പൊ​ലീ​സ് ഇ​ൻ​സ്പെ​ക്ട​ർ ബി.​കെ. സു​നി​ൽ കൃ​ഷ്ണ​ൻ അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ചു. പ്രോ​സി​ക്യൂ​ഷ​നു വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ റോ​ഷ​ൻ തോ​മ​സ് ഹാ​ജ​രാ​യി.