മല്ലപ്പള്ളി താലൂക്കിൽ കാട്ടുപന്നികൾ വിലസുന്നു

മ​ല്ല​പ്പ​ള്ളി: വെ​ടി​വെ​ച്ചു​കൊ​ല്ലാ​ൻ ഉ​ത്ത​ര​വു​ണ്ടാ​യി​ട്ടും മ​ല്ല​പ്പ​ള്ളി താ​ലൂ​ക്കി​ന്‍റെ മി​ക്ക പ്ര​ദേ​ശ​ങ്ങ​ളി​ലും കാ​ട്ടു​പ​ന്നി​ക​ളു​ടെ ശ​ല്യം രൂ​ക്ഷ​മാ​യ​തോ​ടെ ക​ർ​ഷ​ക​ർ ന​ട്ടം​തി​രി​യു​ന്നു. കോ​ട്ടാ​ങ്ങ​ൽ, കൊ​റ്റ​നാ​ട്, എ​ഴു​മ​റ്റൂ​ർ, പ​ഞ്ചാ​യ​ത്തു​ക​ളി​ലെ വി​വി​ധ പ്ര​ദേ​ശ​ങ്ങ​ളി​ൽ വ്യാ​പ​ക​മാ​യി കൃ​ഷി​ന​ശി​പ്പി​ക്കു​ന്നു​ണ്ട്. വ​ന​യോ​ര മേ​ഖ​ല​ക​ളി​ൽ മാ​ത്രം ഉ​ണ്ടാ​യി​രു​ന്ന പ​ന്നി​യു​ടെ ശ​ല്യം ഇ​പ്പോ​ൾ ജ​ന​വാ​സ മേ​ഖ​ല​ക​ളി​ലെ നാ​ട്ടി​ൻ​പു​റ​ങ്ങ​ളി​ലും വ്യാ​പ​ക​മാ​ണ്.

ക​ഴി​ഞ്ഞ​ദി​വ​സം എ​ഴു​മ​റ്റൂ​ർ, തെ​ള്ളി​യൂ​ർ പ്ര​ദേ​ശ​ങ്ങ​ളി​ൽ കാ​ട്ടു​പ​ന്നി കൃ​ഷി​യി​ട​ങ്ങ​ൾ ഉ​ഴു​ത;​മ​റി​ച്ചു. തെ​ള്ളി​യൂ​ർ മ​ണി​ച്ചാ​ട​ത്ത് പ​ന​ച്ചി​ക്ക​ൽ അ​ന​ന്ത​കു​മാ​ർ, ജ​യ​ഭ​വ​ന​ത്തി​ൽ ഗോ​പി​നാ​ഥ​ൻ, അ​രി​വി​ക്കാ​ട് ബാ​ബു എ​ന്നി​വ​രു​ടെ കൃ​ഷി​യി​ട​ത്തി​ലി​റ​ങ്ങി​യ പ​ന്നി വാ​ഴ​കൃ​ഷി ന​ശി​പ്പി​ച്ചു. വാ​ഴ, ക​പ്പ, ചേ​മ്പ്, ചേ​ന, കാ​ച്ചി​ൽ പ​ച്ച​ക്ക​റി​ക​ൾ എ​ന്നി​വ​യാ​ണ് ഏ​റെ​യും ന​ശി​പ്പി​ക്ക​പ്പെ​ടു​ന്ന​ത്.

ചി​ല പ്ര​ദേ​ശ​ങ്ങ​ളി​ൽ നേ​രം പു​ല​ർ​ന്നു​ക​ഴി​ഞ്ഞും ഇ​വ​റ്റ​ക​ളു​ടെ ശ​ല്യം ഉ​ണ്ടാ​കു​ന്ന​താ​യി നാ​ട്ടു​കാ​ർ പ​റ​യു​ന്നു. സ്ഥ​ലം പാ​ട്ട​ത്തി​നെ​ടു​ത്ത് കൃ​ഷി ചെ​യ്യു​ന്ന​വ​ർ രാ​ത്രി​യി​ൽ കൃ​ഷി​യി​ട​ത്തി​ൽ ഷെ​ഡ്കെ​ട്ടി ആ​ഴി​കൂ​ട്ടി കാ​വ​ലി​രി​ക്കു​ക​യാ​ണ്.

ബാ​ങ്ക് വാ​യ്പ​യും മ​റ്റ് സ്വ​കാ​ര്യ ധ​ന​കാ​ര്യ സ്ഥാ​പ​ന​ങ്ങ​ളി​ൽ​നി​ന്ന്​ പ​ണം ക​ട​മെ​ടു​ത്തും കൃ​ഷി​ചെ​യ്യു​ന്ന​വ​ർ വി​ള​ക​ളു​ടെ നാ​ശം​മൂ​ലം ക​ട​ക്കെ​ണി​യി​ൽ ന​ട്ടം​തി​രി​യു​ക​യാ​ണ്. കൃ​ഷി ഉ​പ​ജീ​വ​ന​മാ​ർ​ഗ​മാ​ക്കി​യ ക​ർ​ഷ​ക​ർ പ​ല​രും കൃ​ഷി ഉ​പേ​ക്ഷി​ക്കേ​ണ്ട സ്ഥി​തി​യി​ലാ​ണ്. കാ​ട്ടു​മൃ​ങ്ങ​ളു​ടെ ശ​ല്യ​ത്തി​ൽ കൃ​ഷി ന​ശി​പ്പി​ക്ക​പ്പെ​ട്ട ക​ർ​ഷ​ക​രെ സം​ര​ക്ഷി​ക്കാ​ൻ ന​ട​പ​ടി വേ​ണ​മെ​ന്ന ആ​വ​ശ്യ​ത്തി​ന്​ ബ​ന്ധ​പ്പെ​ട്ട​വ​ർ ചെ​വി​കൊ​ടു​ക്കു​ന്നു​മി​ല്ല.