കാട്ടാനക്കൂട്ടം വീണ്ടും കൃഷി നശിപ്പിച്ചു; ഒരാഴ്ചക്കുള്ളിൽ മൂന്നാം തവണയാണ്​ കൃഷി നശിപ്പിക്കുന്നത്​

കോ​ന്നി: ‘മൂ​ന്നാം ത​വ​ണ​യാ​ണ് കാ​ട്ടാ​ന എ​ന്‍റെ കൃ​ഷി ന​ശി​പ്പി​ക്കു​ന്ന​ത്, ഇ​ങ്ങ​നെ പോ​യാ​ൽ കൃ​ഷി പൂ​ർ​ണ​മാ​യി ഉ​പേ​ക്ഷി​ക്കേ​ണ്ടി വ​രും’... കാ​ട്ടാ​ന​ക്കൂ​ട്ടം ച​വി​ട്ടി​മെ​തി​ച്ചി​ട്ട് പോ​യ വാ​ഴ​ത്തോ​ട്ട​ത്തി​ൽ​നി​ന്ന്​ കു​ള​ത്തു​മ​ൺ മ​ണ്ണി​ൽ തെ​ക്കേ​ക്ക​ര എം.​വി. ബാ​ബു ഇ​ത്​ പ​റ​യു​മ്പോ​ൾ ക​ണ്ടു​നി​ന്ന​വ​ർ​ക്കും നൊ​മ്പ​രം. ഒ​രാ​ഴ്ച​ക്കു​ള്ളി​ൽ മൂ​ന്നാം ത​വ​ണ​യാ​ണ് ബാ​ബു​വി​ന്റെ കൃ​ഷി കാ​ട്ടാ​ന​ക്കൂ​ട്ടം ന​ശി​പ്പി​ക്കു​ന്ന​ത്.

ആ​ദ്യ​ഘ​ട്ട​ത്തി​ൽ 50,000 രൂ​പ​യോ​ള​മാ​ണ് ന​ഷ്ട​മെ​ങ്കി​ൽ ഇ​ത്ത​വ​ണ അ​ത് ര​ണ്ട് ല​ക്ഷം രൂ​പ​യാ​ണ്. 250 മൂ​ട് കു​ല​ച്ച വാ​ഴ, 15 ക​വു​ങ്ങ്, ര​ണ്ട് തെ​ങ്ങ്, 30 മൂ​ട് മാ​ങ്കോ​സ്റ്റി​ൻ, പ​ത്തു​മൂ​ട് പു​ലോ​സാ​ൻ, പ​ത്തു​മൂ​ട് അ​ബി​യു എ​ന്നി​വ​യാ​ണ് ക​ഴി​ഞ്ഞ ദി​വ​സം പു​ല​ർ​ച്ച കാ​ട്ടാ​ന ന​ശി​പ്പി​ച്ച​ത്. പു​ല​ർ​ച്ച വീ​ടി​ന് സ​മീ​പ​മു​ള്ള റ​ബ​ർ തോ​ട്ട​ത്തി​ൽ ടാ​പ്പി​ങ് ന​ട​ത്തി തി​രി​കെ വ​രു​മ്പോ​ൾ കൃ​ഷി ന​ശി​പ്പി​ച്ച ശേ​ഷം കാ​ട്ടാ​ന​ക​ൾ തി​രി​കെ മ​ട​ങ്ങു​ന്ന കാ​ഴ്ച​യാ​ണ് ബാ​ബു ക​ണ്ട​ത്.

നി​സ്സ​ഹാ​യ​നാ​യി നോ​ക്കി നി​ൽ​ക്കാ​ൻ മാ​ത്ര​മേ ക​ർ​ഷ​ക​ന് ക​ഴി​ഞ്ഞു​ള്ളു. സം​ഭ​വ​ത്തെ തു​ട​ർ​ന്ന് പാ​ടം ഫോ​റ​സ്റ്റ്​ സ്റ്റേ​ഷ​ൻ അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ചു. കൃ​ഷി​ക്ക് ന​ഷ്ട​പ​രി​ഹാ​രം പ​ണം അ​നു​വ​ദി​ച്ചാ​ൽ ന​ൽ​കാ​മെ​ന്ന്​ പ​റ​ഞ്ഞ് അ​വ​രും മ​ട​ങ്ങി. ക​ഴി​ഞ്ഞ ഒ​രു മാ​സ​മാ​യി രൂ​ക്ഷ​മാ​യ കാ​ട്ടാ​ന ശ​ല്യ​മാ​ണ് പ്ര​ദേ​ശ​ത്തു​ള്ള​ത്. എ​ന്നാ​ൽ, ഇ​തി​ന് പ​രി​ഹാ​രം കാ​ണാ​ൻ വ​നം വ​കു​പ്പി​ന് ക​ഴി​യാ​ത്ത​തി​ൽ വ​ലി​യ പ്ര​തി​ഷേ​ധ​മാ​ണ് മേ​ഖ​ല​യി​ലു​ള്ള​ത്.