കാട്ടുപന്നി ആക്രമണം അതിരൂക്ഷം; നേരിടാനാകാ​തെ അധികൃതർ

പ​ത്ത​നം​തി​ട്ട: കൃ​ഷി ന​ശി​പ്പി​ക്കു​ക​യും മ​നു​ഷ്യ​രെ ആ​ക്ര​മി​ക്കു​ക​യും ചെ​യ്യു​ന്ന കാ​ട്ടു​പ​ന്നി​ക​ളെ നേ​രി​ടാ​നാ​കാ​തെ അ​ധി​കൃ​ത​ർ. കാ​ട്ടു​മൃ​ഗ​ങ്ങ​ളി​ല്‍ നി​ന്നു ജ​ന​ങ്ങ​ളെ​യും സ്വ​ത്തു​ക്ക​ളെ​യും സം​ര​ക്ഷി​ക്കാ​ന്‍ ബാ​ധ്യ​ത​യു​ള്ള വ​നം​വ​കു​പ്പ് കൈ​മ​ല​ര്‍ത്തി​യ​തോ​ടെ കാ​ട്ടു​പ​ന്നി​യെ കൊ​ല്ലാ​നി​റ​ങ്ങി​യ ത​ദ്ദേ​ശ​വ​കു​പ്പും പ​ദ്ധ​തി​ക​ൾ അ​വ​സാ​നി​പ്പി​ച്ചു.

ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ വെ​ടി​വ​ച്ചു​കൊ​ല്ലാ​ന്‍ സ​ര്‍ക്കാ​ര്‍ ഇ​റ​ക്കി​യ ഉ​ത്ത​ര​വ് പ്ര​യോ​ജ​ന​പ്പെ​ടു​ത്താ​ന്‍ ത​ദ്ദേ​ശ​സ്ഥാ​പ​ന​ങ്ങ​ള്‍ക്കe​കു​ന്നി​ല്ല. പ്രാ​ദേ​ശി​ക​മാ​യി ജാ​ഗ്ര​താ​സ​മി​തി​ക​ള്‍ രൂ​പ​വ​ത്​​ക​രി​ച്ച് കാ​ട്ടു​പ​ന്നി​ക​ളെ വെ​ടി​വെ​ക്കാ​നും സം​സ്‌​ക​രി​ക്കാ​നു​മാ​ണ് സ​ര്‍ക്കാ​ര്‍ അ​നു​മ​തി ന​ല്‍കി​യ​ത്. ക​ര്‍ഷ​ക​രു​ടെ നി​ര​ന്ത​ര പ​രാ​തി​ക​ള്‍ പ​രി​ഗ​ണി​ച്ച് കേ​ന്ദ്ര വ​നം, വ​ന്യ​ജീ​വി വ​കു​പ്പി​ല്‍ സം​സ്ഥാ​ന സ​ര്‍ക്കാ​ര്‍ സ​മ്മ​ർ​ദം ചെ​ലു​ത്തി ഉ​പാ​ധി​ക​ളോ​ടെ ഉ​ത്ത​ര​വി​ടു​ക​യാ​യി​രു​ന്നു. എ​ന്നാ​ല്‍ 20ൽ ​താ​ഴെ പ​ഞ്ചാ​യ​ത്തു​ക​ളി​ല്‍ മാ​ത്ര​മാ​ണ് ജാ​ഗ്ര​താ​സ​മി​തി​ക​ള്‍ രൂ​പ​വ​ത്ക​രി​ച്ച​ത്. ഇ​തി​ല്‍ പ​ല​തും പ്ര​വ​ര്‍ത്തി​ക്കു​ന്നു​മി​ല്ല.

ആ​ക്ര​മ​ണ​ങ്ങ​ള്‍ തു​ട​ര്‍ക്ക​ഥ

കാ​ട്ടു​പ​ന്നി ആ​ക്ര​മ​ണ​ങ്ങ​ള്‍ തു​ട​ര്‍ക്ക​ഥ​യാ​കു​ക​യാ​ണ്. ജി​ല്ല​യി​ൽ പ്ര​തി​ദി​നം ഒ​രു ആ​ക്ര​മ​ണ​മെ​ങ്കി​ലും റി​പ്പോ​ര്‍ട്ട് ചെ​യ്യു​ന്നു​ണ്ട്. മ​ല​യാ​ല​പ്പു​ഴ​ക്ക്​ സ​മീ​പം കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ ചെ​റു​കി​ട വ്യാ​പാ​രി മ​ര​ണ​ത്തി​ന്​ കീ​ഴ​ട​ങ്ങി. പി​റ്റേ​ന്നു കോ​ന്നി സി.​എ​ഫ്.​ആ​ര്‍.​ഡി കാ​മ്പ​സ് പ​രി​സ​ര​ത്തു ജീ​വ​ന​ക്കാ​ര​നെ കാ​ട്ടു​പ​ന്നി ആ​ക്ര​മി​ച്ചു. വാ​ഹ​ന​യാ​ത്രി​ക​ര്‍ക്കു​നേ​രെ ഇ​വ​യു​ടെ ആ​ക്ര​മ​ണം കൂ​ടി വ​രി​ക​യാ​ണ്.

കാ​ട്ടു​പ​ന്നി കു​റു​കെ​ച്ചാ​ടി​യും ഇ​ടി​ച്ചും അ​പ​ക​ട​ങ്ങ​ള്‍ പ​തി​വാ​യി. ഇ​രു​ച​ക്ര​വാ​ഹ​ന യാ​ത്രി​ക​രാ​ണ് ഏ​റെ​യും അ​പ​ക​ട​ത്തി​ല്‍പെ​ടു​ന്ന​ത്. നാ​ട്ടി​ലി​റ​ങ്ങി​യ പ​ന്നി​ക​ള്‍ ഇ​വി​ടെ സ്ഥി​ര താ​വ​ള​മാ​ക്കു​ക​യാ​ണ്. നാ​ട്ടു​പ്ര​ദേ​ശ​ങ്ങ​ളി​ലെ പു​റ​മ്പോ​ക്കും ആ​ളി​ല്ലാ​ത്ത വീ​ടു​ക​ളു​ടെ കാ​ടു​പി​ടി​ച്ച പ​റ​മ്പു​ക​ളു​മാ​ണ് താ​വ​ളം. രാ​ത്രി​യി​ലി​റ​ങ്ങി കൃ​ഷി ന​ശി​പ്പി​ക്കു​ന്നു. പൊ​തു​കാ​ര്‍ഷി​ക വി​പ​ണി​യി​ല്‍ നാ​ട​ൻ​വി​ള​ക​ള്‍ വ​ന്‍തോ​തി​ല്‍ കു​റ​ഞ്ഞ​ത് കാ​ട്ടു​പ​ന്നി​ക​ളു​ടെ ശ​ല്യം കാ​ര​ണ​മാ​ണെ​ന്ന് ക​ര്‍ഷ​ക​ര്‍ പ​റ​യു​ന്നു. ഇ​വ​യു​ടെ ആ​ക്ര​മ​ണം ഭ​യ​ന്ന്​ രാ​ത്രി പു​റ​ത്തി​റ​ങ്ങാ​ൻ ജ​നം ഭ​യ​ക്കു​ക​യാ​ണ്.

ക്ഷു​ദ്ര​ജീ​വി​ക​ളാ​യി പ്ര​ഖ്യാ​പി​ച്ചാ​ലേ ര​ക്ഷ​യു​ള്ളൂ

കേ​ന്ദ്ര വ​നം മ​ന്ത്രാ​ല​യ​ത്തി​ന്റെ പ​ട്ടി​ക​യി​ല്‍ ക്ഷു​ദ്ര​ജീ​വി​ക​ളാ​യി കാ​ട്ടു​പ​ന്നി​ക​ളെ അം​ഗീ​ക​രി​ച്ചെ​ങ്കി​ല്‍ മാ​ത്ര​മേ ഉ​പാ​ധി​ക​ളി​ല്ലാ​തെ ഇ​വ​യെ ന​ശി​പ്പി​ക്കാ​ന്‍ അ​നു​മ​തി​യാ​കു​ക​യു​ള്ളൂ. ശ​ല്യ​ക്കാ​രെ​ന്ന നി​ല​യി​ല്‍ സം​സ്ഥാ​നം ഇ​പ്പോ​ള്‍ ഉ​പാ​ധി​ക​ളോ​ടെ അ​നു​മ​തി വാ​ങ്ങി​യാ​ണ് വെ​ടി​വ​ച്ചു​കൊ​ല്ലു​ന്ന​ത്.

പ​ക്ഷേ ഇ​തു പ്രാ​യോ​ഗി​ക​മ​ല്ലെ​ന്നാ​ണ് അ​നു​ഭ​വം. ആ​റു ​മാ​സം വീ​ത​മു​ള്ള ഈ ​ഉ​ത്ത​ര​വ് പു​തു​ക്കി​വ​രി​ക​യാ​ണ്. ഇ​താ​ക​ട്ടെ വ്യ​വ​സ്ഥ​ക​ളേ​റെ ഉ​ള്ള​താ​ണ്. പ​ന്നി​യെ വെ​ടി​വ​ച്ചു​കൊ​ല്ലാ​നു​ള്ള അ​ധി​കാ​രം ത​ദ്ദേ​ശ​സ്ഥാ​പ​ന അ​ധ്യ​ക്ഷ​ര്‍ക്കു ന​ല്‍കി​യെ​ങ്കി​ലും ഇ​തി​ന്റെ ചെ​ല​വും വ​ഹി​ക്ക​ണം. കൊ​ല്ലു​ന്ന പ​ന്നി​യെ സം​സ്‌​ക​രി​ക്കു​ന്ന​തു​വ​രെ​യു​ള്ള ഉ​ത്ത​ര​വാ​ദി​ത്വം​ത ദ്ദേ​ശ​സ്ഥാ​പ​ന​ത്തി​നാ​ണ്.

ചെ​ല​വേ​റി​യ​തോ​ടെ ത​ദ്ദേ​ശ​സ്ഥാ​പ​ന​ങ്ങ​ള്‍ പി​ന്‍മാ​റി. ക്ഷു​ദ്ര​ജീ​വി​ക​ളാ​യി അം​ഗീ​ക​രി​ച്ച് ഇ​വ​യെ കൊ​ല്ലാ​നു​ള്ള അ​ധി​കാ​രം ന​ല്‍കി​യാ​ല്‍ കാ​ട്ടു​പ​ന്നി​യു​ടെ മാം​സം വി​റ്റു​ത​ന്നെ റ​വ​ന്യു​വ​രു​മാ​നം ക​ണ്ടെ​ത്താ​നാ​കു​മാ​യി​രു​ന്നു​വെ​ന്ന് പ​ഞ്ചാ​യ​ത്തു​ക​ള്‍ പ​റ​യു​ന്നു. ഇ​പ്പോ​ള്‍ പെ​ട്രോ​ളൊ​ഴി​ച്ച് ക​ത്തി​ച്ചു ക​ള​യു​ക​യാ​ണ്.