ജി​ല്ല വി​ദ്യാ​ഭ്യാ​സ ഓ​ഫി​സ്​; ഇൻചാർജ്​ ഭരണവും തടയിടാൻ ജീവനക്കാരും

പ​ത്ത​നം​തി​ട്ട: നാ​റാ​ണം​മൂ​ഴി​യി​ലെ അ​ധ്യാ​പി​ക​യു​ടെ ശ​മ്പ​ളം ത​ട​ഞ്ഞു​വെ​ച്ച സം​ഭ​വ​ത്തി​ൽ വീ​ഴ്ച ക​ണ്ടെ​ത്തി​യ ജി​ല്ല വി​ദ്യാ​ഭ്യാ​സ ഓ​ഫി​സി​നെ​തി​രെ കൂ​ടു​ത​ൽ ആ​ക്ഷേ​പ​ങ്ങ​ൾ. ​അ​ധ്യാ​പ​ക​രു​ടെ പ്ര​മോ​ഷ​ൻ ഗ്രേ​ഡ്, നി​യ​മ​ന അം​ഗീ​കാ​രം, പെ​ൻ​ഷ​നു​മാ​യി ബ​ന്ധ​പ്പെ​ട്ട ഫ​യ​ലു​ക​ൾ എ​ന്നി​വ​യി​ൽ കൃ​ത്യ​മാ​യ ഇ​ട​പെ​ട​ൽ ഉ​ണ്ടാ​കു​ന്നി​ല്ലെ​ന്നാ​ണ്​ പ​രാ​തി. നി​സ്സാ​ര കാ​ര്യ​ങ്ങ​ൾ​ക്കു​പോ​ലും ജീ​വ​ന​ക്കാ​ർ ത​ട​സ്സം സൃ​ഷ്ടി​ക്കു​ന്ന​താ​യും അ​ധ്യാ​പ​ക​ർ പ​റ​യു​ന്നു.

നാ​റാ​ണം​മൂ​ഴി​യി​ലെ അ​ധ്യാ​പി​ക​ക്ക്​ ശ​മ്പ​ളം ല​ഭി​ക്കാ​ഞ്ഞ​തി​നെ തു​ട​ർ​ന്നു​ള്ള മ​നോ​വി​ഷ​മ​ത്തി​ൽ ഭ​ർ​ത്താ​വ്​ ഷി​ജോ ആ​ത്മ​ഹ​ത്യ​ചെ​യ്ത സം​ഭ​വ​ത്തി​ൽ ഡി.​ഇ.​ഒ ഓ​ഫി​സി​ലെ മൂ​ന്നു ജീ​വ​ന​ക്കാ​രെ വി​ദ്യാ​ഭ്യാ​സ വ​കു​പ്പ്​ തി​ങ്ക​ളാ​ഴ്ച സ​സ്​​പെ​ൻ​ഡ്​ ചെ​യ്തി​രു​ന്നു. സൂ​പ്ര​ണ്ട്​ എ​സ്. ഫി​​റോ​സ്,​ പി.​എ എ​ൻ.​ജി. അ​നി​ൽ​കു​മാ​ർ, സെ​ക്​​ഷ​ൻ ക്ല​ർ​ക്ക്​ ​​ ആ​ർ. ബി​നി തു​ട​ങ്ങി​യ​വ​രെ​യാ​ണ് ​സ​സ്​​പെ​ൻ​ഡ്​ ​ചെ​യ്ത​ത്.

ഷി​ജോ​യു​ടെ ഭാ​ര്യ നാ​റാ​ണം​മൂ​ഴി സെ​ന്റ് ജോ​സ​ഫ് യു.​പി. സ്കൂ​ളി​ലെ യു.​പി.​എ​സ്.​ടി അ​ധ്യാ​പി​ക​യാ​യ ലേ​ഖ ര​വീ​ന്ദ്ര​ന് 12 വ​ർ​ഷ​ത്തെ ശ​മ്പ​ളം കു​ടി​ശ്ശി​ക​യാ​യി​രു​ന്നു. ഷി​ജോ​യു​ടെ മ​ര​ണ​ത്തി​ന്​ പി​ന്നാ​ലെ വി​ദ്യാ​ഭ്യാ​സ വ​കു​പ്പ്​ ന​ട​ത്തി​യ അ​ന്വേ​ഷ​ണ​ത്തി​ൽ ജി​ല്ല വി​ദ്യാ​ഭ്യാ​സ ഓ​ഫി​സി​ന്​ വീ​ഴ്ച​വ​ന്ന​താ​യി ക​ണ്ടെ​ത്തി​യ​തി​നെ തു​ട​ർ​ന്നാ​യി​രു​ന്നു ന​ട​പ​ടി. കോ​ട​തി ഉ​ത്ത​ര​വു​ണ്ടാ​യി​ട്ടും ലേ​ഖ ര​വീ​ന്ദ്ര​ന് ​ശ​മ്പ​ളം ന​ൽ​കാ​തെ ജീ​വ​ന​ക്കാ​ർ വീ​ഴ്ച​വ​രു​ത്തു​ക​യാ​യി​രു​ന്നു​വെ​ന്നാ​യി​രു​ന്നു അ​ന്വേ​ഷ​ണ റി​പ്പോ​ർ​ട്ട്.

യു.​പി.​എ​സ‌്.​​ടി ത​സ്‌​തി​ക​യി​ലേ​ക്ക് നാ​റാ​ണം​മൂ​ഴി സ്‌​കൂ​ൾ മാ​നേ​ജ്മെ​ന്‍റ്​ 2014ലാ​ണ്​ ലേ​ഖ ര​വീ​ന്ദ്ര​നെ നി​യ​മി​ച്ച​ത്. ഹൈ​കോ​ട​തി 2024 ന​വം​ബ​ർ 26ന് ​നി​യ​മ​നം അം​ഗീ​ക​രി​ച്ച് ഉ​ത്ത​ര​വി​ടു​ക​യും ശ​മ്പ​ള​വും മ​റ്റ് ആ​നു​കൂ​ല്യ​ങ്ങ​ളും മൂ​ന്ന് മാ​സ​ത്തി​നു​ള്ളി​ൽ വി​ത​ര​ണം ചെ​യ്യാ​ൻ പ​ത്ത​നം​തി​ട്ട ഡി.​ഇ.​ഒ​ക്ക്​ നി​ർ​ദേ​ശ​വും ന​ൽ​കി​യി​രു​ന്നു. 2025 ജ​നു​വ​രി 17ന് ​സ​ർ​ക്കാ​ർ ഇ​തി​നാ​യി നി​ർ​ദേ​ശ​വും ന​ൽ​കി. എ​ന്നാ​ൽ, ശ​മ്പ​ള കു​ടി​ശ്ശി​ക അ​നു​വ​ദി​ക്കു​ന്ന കാ​ര്യ​ത്തി​ൽ മ​റ്റു തു​ട​ർ​ന​ട​പ​ടി​ക​ൾ ഒ​ന്നും സ്വീ​ക​രി​ക്കാ​തെ വി​ഷ​യ​വു​മാ​യി ബ​ന്ധ​പ്പെ​ട്ട ഫ​യ​ൽ തീ​ർ​പ്പാ​ക്കു​ക​യും സ്‌​പാ​ർ​ക്ക് ഓ​ഥ​ന്‍റി​ക്കേ​ഷ​ന് സ്‌​കൂ​ൾ പ്ര​ഥ​മാ​ധ്യാ​പി​ക ന​ൽ​കി​യ അ​പേ​ക്ഷ​യി​ൽ തീ​രു​മാ​ന​മെ​ടു​ക്കാ​തെ ഡി.​ഇ.​ഒ ഓ​ഫീ​സ്​ ജീ​വ​ന​ക്കാ​ർ വെ​ച്ചു​താ​മ​സി​പ്പി​ക്ക​യാ​യി​രു​ന്നു.

നി​ല​വി​ൽ ഇ​ൻ ചാ​ജ്​ ഭ​ര​ണ​ത്തി​ലാ​ണ്​ ഓ​ഫി​സ്. മേ​യ് 31ന് ​ഡി.​ഇ.​ഒ വി​ര​മി​ച്ച​തി​നു ശേ​ഷം പ​ക​രം ആ​ളെ നി​യ​മി​ച്ചി​ട്ടി​ല്ല. പ​ത്ത​നം​തി​ട്ട എ.​ഇ.​ഒ​ക്കാ​ണ് ചു​മ​ത​ല ന​ൽ​ക​യി​ട്ടു​ള്ള​ത്. ഓ​ഫി​സി​ന്​​ നാ​ഥ​നി​ല്ലാ​താ​യ​​തോ​ടെ ഭ​ര​ണ​നി​ർ​വ​ഹ​ണം പി.​എ​യും സൂ​പ്ര​ണ്ടും ചേ​ർ​ന്നാ​ണ് നി​ർ​വ​ഹി​ക്കു​ന്ന​തെ​ന്നും പ​രാ​തി​ക​ളു​ണ്ടാ​യി​രു​ന്നു.

നൂ​റി​ല​ധി​കം സ്കൂ​ളു​ക​ൾ പ​ത്ത​നം​തി​ട്ട ഡി.​ഇ.​ഒ​യു​ടെ കീ​ഴി​ലു​ണ്ട്. അ​ധി​കാ​ര​പ​രി​ധി വി​പു​ല​മാ​ണെ​ങ്കി​ലും കെ​ടു​കാ​ര്യ​സ്ഥ​ത​ക്ക്​ പേ​രു​കേ​ട്ട ഓ​ഫി​സാ​ണി​തെ​ന്ന് വി​വി​ധ അ​ധ്യാ​പ​ക സം​ഘ​ട​ന നേ​താ​ക്ക​ൾ കു​റ്റ​പ്പെ​ടു​ത്തു​ന്നു. നി​ര​വ​ധി പ​രാ​തി​ക​ൾ വി​ജി​ല​ൻ​സി​ലും ല​ഭി​ച്ചി​രു​ന്നു. സം​സ്ഥാ​ന​ത്ത്​ ന​മ്പ​ർ വ​ൺ അ​ഴി​മ​തി ന​ട​ക്കു​ന്ന ഓ​ഫി​സാ​ണി​തെ​ന്ന്​ അ​ധ്യാ​പ​ക സം​ഘ​ട​ന​ക​ൾ പ​റ​യു​ന്നു. ഓ​ഫി​സി​നെ സം​ബ​ന്ധി​ച്ച്​ മു​മ്പും നി​ര​വ​ധി പ​രാ​തി​ക​ൾ ഉ​യ​ർ​ന്നി​ട്ടും യാ​തൊ​രു അ​ന്വേ​ഷ​ണ​വും ന​ട​ന്നി​ട്ടി​ല്ല. കോ​ഴ ന​ൽ​കി​യാ​ലെ കാ​ര്യ​ങ്ങ​ൾ ന​ട​ക്കൂ​വെ​ന്ന സ്ഥി​തി​യാ​ണെ​ന്നും ഇ​വ​ർ ആ​രോ​പി​ക്കു​ന്നു.

പെ​ൻ​ഷ​ൻ പ​റ്റി​യ ര​ണ്ടു​മൂ​ന്നു​ ജീ​വ​ന​ക്കാ​ർ ​ ഇ​വി​ടെ സ​ദാ​സ​മ​യ​വും ചു​റ്റി​ത്തി​രി​യു​ന്ന​താ​യി അ​ധ്യാ​പ​ക​ർ പ​റ​യു​ന്നു. ആ​ദ്യം അ​വ​രെ സ​മീ​പി​ക്ക​ണം. ഫ​യ​ൽ കു​രു​ങ്ങി​ക്കി​ട​ക്കു​ന്ന കാ​ര്യ​ങ്ങ​ൾ ഇ​വ​ർ ധ​രി​പ്പി​ക്കും. പി​ന്നീ​ട്​ കു​രു​ക്ക​ഴി​ക്കാ​നു​ള്ള കാ​ര്യ​ങ്ങ​ൾ അ​റി​യി​ക്കും. അ​ധ്യാ​പ​ക സം​ഘ​ട​ന നേ​താ​ക്ക​ൾ ഇ​ട​പെ​ട്ടാ​ലും ഫ​ല​മി​ല്ലെ​ന്നും ഇ​വ​ർ പ​റ​യു​ന്നു. ഇ​ട​ത്​ യൂ​നി​യ​നു​മാ​യി ബ​ന്ധ​പ്പെ​ട്ട​വ​ർ​ക്കാ​ണ്​ ഓ​ഫി​സി​ൽ മേ​ധാ​വി​ത്വ​മെ​ങ്കി​ലും ഈ ​യൂ​നി​യ​നി​ൽ​പ്പെ​ട്ട അ​ധ്യാ​പ​ക​ർ​ക്ക്​ പോ​ലും നീ​തി ല​ഭി​ക്കു​ന്നി​ല്ല​ത്രേ.

അ​തി​നി​ടെ, ആ​റ്​ വ​ർ​ഷ​ത്തോ​ള​മാ​യി ഓ​ഫി​സ്​ ക​യ​റി ഇ​റ​ങ്ങി​യ ഒ​രു ഭി​ന്ന​ശേ​ഷി അ​ധ്യാ​പി​ക​യു​ടെ നി​യ​മ​നം തി​ങ്ക​ളാ​ഴ്ച​ ശ​രി​യാ​യി. നാ​റാ​ണം​മൂ​ഴി​യി​ൽ അ​ധ്യാ​പി​ക​യു​ടെ ഭ​ർ​ത്താ​വ്​ ആ​ത്മ​ത​ഹ​ത്യ​ചെ​യ്ത​തി​നെ തു​ട​ർ​ന്ന്​ അ​തി​വേ​ഗ​ത്തി​ൽ ഈ ​ഫ​യ​ലി​ൽ തീ​രു​മാ​ന​മെ​ടു​ക്കു​ക​യാ​യി​രു​ന്നു.