വെ​ള​ളം തു​റ​ന്നു​വി​ട്ടു; അ​ത്തി​ക്ക​യം കൊ​ച്ചു​പാ​ല​ത്തി​ന്‍റെ അ​പ്രോ​ച്ച് റോ​ഡ് ത​ക​ർ​ന്നു

റാ​ന്നി: തു​റ​ന്നു​ ന​ൽ​കി​യ​തി​ന്‍റെ ര​ണ്ടാം നാ​ൾ അ​ത്തി​ക്ക​യം കൊ​ച്ചു​പാ​ല​ത്തി​ന്‍റെ അ​പ്രോ​ച്ച്​ റോ​ഡ് ത​ക​ർ​ന്നു. വാ​ട്ട​ർ അ​തോ​റി​റ്റി വെ​ള​ളം തു​റ​ന്നു​വി​ട്ട​തി​നെ തു​ട​ർ​ന്നാ​ണ്​ റോ​ഡ്​ ത​ക​ർ​ന്ന​ത്. പെ​രു​നാ​ട് അ​ത്തി​ക്ക​യം കു​ടി​വെ​ള്ള പ​ദ്ധ​തി​ക്കാ​യി സ്ഥാ​പി​ച്ചി​രു​ന്ന എ​ട്ട് ഇ​ഞ്ചോ​ളം വ​ലി​പ്പ​മു​ള്ള പൈ​പ്പി​ലൂ​ടെ അ​തി​ശ​ക്ത​മാ​യി വെ​ള്ളം വ​ന്ന​തോ​ടെ പാ​ല​ത്തി​ൻ​റെ അ​പ്പ്രോ​ച്ച്​​റോ​ഡ് ത​ക​ർ​ന്ന്​ താ​ഴ്ന്നു പോ​കു​ക​യു​മാ​യി​രു​ന്നു.

റീ-​ബി​ൽ​ഡ് കേ​ര​ള അ​ധി​കൃ​ത​രു​ടെ അ​പേ​ക്ഷ​യെ തു​ട​ർ​ന്ന്​ പാ​ലം നി​ർ​മാ​ണ​ത്തി​ന്‍റെ ഭാ​ഗ​മാ​യി ഇ​തു​വ​ഴി​യു​ള്ള പൈ​പ്പ്​ വാ​ട്ട​ർ അ​തോ​റി​റ്റി​ത​ന്നെ മു​റി​ച്ചു മാ​റ്റി​യി​രു​ന്നു. ഈ ​പൈ​പ്പി​ലൂ​ടെ​യാ​ണ്​ ചൊ​വ്വാ​ഴ്ച വെ​ള്ള​മെ​ത്തി​യ​ത്. വാ​ട്ട​ർ അ​തോ​റി​റ്റി ത​ന്നെ മു​റി​ച്ചു മാ​റ്റി​യ പൈ​പ്പ് ന​ന്നാ​ക്കാ​തെ വെ​ള്ളം തു​റ​ന്ന് വി​ട്ട​ത് അ​നാ​സ്ഥ​യാ​ണെ​ന്ന്​ നാ​ട്ടു​കാ​ർ ആ​രോ​പി​ച്ചു.

ക​രാ​റു​കാ​ര​ൻ ഉ​പേ​ക്ഷി​ച്ച​തി​നെ​തു​ട​ർ​ന്ന്​ പാ​ല​വും അ​പ്രോ​ച്ച്​ റോ​ഡും നാ​ട്ടു​കാ​ർ പി​രി​വെ​ടു​ത്താ​ണ്​ പൂ​ർ​ത്തി​യാ​ക്കി​യ​ത്. ഇ​തി​നി​ടെ​യാ​ണ്​ വാ​ട്ട​ർ അ​തോ​റി​റ്റി​യു​ടെ കൊ​ല​ച്ച​തി. വാ​ഹ​ന​ങ്ങ​ൾ ക​ട​ന്ന് പോ​കാ​തി​രു​ന്ന​തി​നാ​ൽ വ​ലി​യ അ​പ​ക​ടം ഒ​ഴി​വാ​യി. സം​ഭ​വ​ത്തി​നു​പി​ന്നാ​ലെ, ജ​ന​പ്ര​തി​നി​ധി​ക​ളും പൊ​ലീ​സും വാ​ട്ട​ർ അ​തോ​റി​റ്റി അ​ധി​കൃ​ത​രെ ബ​ന്ധ​പ്പെ​ട്ടു. ത​ങ്ങ​ൾ​ക്ക് വീ​ഴ്ച പ​റ്റി​യ​താ​ണെ​ന്നും പൈ​പ്പ് ന​ന്നാ​ക്കി റോ​ഡ് പൂ​ർ​ണ​സ്ഥി​തി​യി​ലാ​ക്കി ന​ൽ​കു​മെ​ന്നും വാ​ട്ട​ർ അ​തോ​റി​ട്ടി അ​ധി​കൃ​ത​ർ ഉ​റ​പ്പു​ന​ൽ​കി​യി​ട്ടു​ണ്ട്​