കാട്ടുപന്നി ആക്രമണം; വയോധികന് പരിക്ക്

വടശ്ശേരിക്കര: കാട്ടുപന്നി ആക്രമണത്തിൽ വയോധികന് പരിക്ക്. ചിറ്റാർ മണക്കയം മാമൂട്ടിൽ ഗോപാലകൃഷ്ണനാണ് (80) പരിക്കേറ്റത്. മണക്കയം പമ്പുഹൗസിന് സമീപം വീട്ടുമുറ്റത്തുനിന്ന ഗോപാലകൃഷ്ണനെ കാട്ടുപന്നി ആക്രമിക്കുകയായിരുന്നു.

സാരമായി പരിക്കേറ്റ വയോധികനെ ചിറ്റാറിലെ സ്വകാര്യ ആശുപത്രിയിൽ പ്രവേശിപ്പിച്ചു. തലയിലേറ്റ ആഴത്തിലുള്ള മുറിവിൽ എട്ട് തുന്നൽ വേണ്ടിവന്നതായി ബന്ധുക്കൾ പറഞ്ഞു.