വട്ടകപ്പാറ മലയിലേത് വനഭൂമിയെന്ന് ഹൈകോടതി

വ​ട​ശ്ശേ​രി​ക്ക​ര: നീ​രാ​ട്ടു​കാ​വ് വ​ട്ട​ക​പ്പാ​റ മ​ല​യി​ലെ ഭൂ​മി വ​ന​ഭൂ​മി ത​ന്നെ​യെ​ന്ന് ഹൈ​കോ​ട​തി. വ​നം​കൊ​ള്ള ന​ട​ത്തി പാ​റ​മ​ട തു​ട​ങ്ങാ​നു​ള്ള നീ​ക്ക​ത്തി​നെ​തി​രെ സ​മ​ര​സ​മി​തി ന​ട​ത്തി​യ നി​യ​മ പോ​രാ​ട്ടം വി​ജ​യ​ത്തി​ലേ​ക്ക്. റാ​ന്നി നേ​രി​ട്ടു​കാ​വ് വ​ട്ട​ക​പ്പാ​റ​മ​ല​യി​ലെ വ​ന​ഭൂ​മി​യി​ൽ​നി​ന്ന്​ ല​ക്ഷ​ങ്ങ​ൾ വി​ല​വ​രു​ന്ന മ​ര​ങ്ങ​ൾ മു​റി​ച്ചു​മാ​റ്റി അ​വി​ടെ പാ​റ​മ​ട തു​ട​ങ്ങാ​നു​ള്ള നീ​ക്ക​മാ​ണ് സ​മ​ര​സ​മി​തി​യു​ടെ ഇ​ട​പെ​ട​ലി​നെ​ത്തു​ട​ർ​ന്ന് ഹൈ​കോ​ട​തി റ​ദ്ദു​ചെ​യ്ത​ത്.

പാ​റ​മ​ട​ക്കെ​തി​രെ ജ​ന​കീ​യ പ്ര​ക്ഷോ​ഭം ഉ​യ​ർ​ന്ന​തോ​ടെ പാ​റ​മ​ട​ലോ​ബി​ക്കു​വേ​ണ്ടി പ്ര​വ​ർ​ത്തി​ച്ച വ​നം വ​കു​പ്പ് ഉ​ദ്യോ​ഗ​സ്ഥ​ർ നി​യ​മ ന​ട​പ​ടി​ക​ൾ നേ​രി​ടു​ക​യും സു​പ്രീം കോ​ട​തി​യു​ടെ ഗ്രീ​ൻ ബെ​ഞ്ച് സ​മ​ര​സ​മി​തി​ക്ക് അ​നു​കൂ​ല​വി​ധി പു​റ​പ്പെ​ടു​വി​ക്കു​ക​യും ചെ​യ്തി​രു​ന്നു. ഇ​തി​നി​ട​യി​ലാ​ണ് റാ​ന്നി​യി​ലെ റ​വ​ന്യൂ അ​ധി​കൃ​ത​രു​ടെ സ​ഹാ​യ​ത്തോ​ടെ സ്ഥ​ലം റ​വ​ന്യൂ ഭൂ​മി​യാ​ണെ​ന്ന് സ്ഥാ​പി​ക്കാ​ൻ പാ​റ​മ​ട​ലോ​ബി ക​മ്മി​റ്റി​യെ വെ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ഹൈ​കോ​ട​തി​യെ സ​മീ​പി​ച്ച​ത്. ഇ​തി​ൽ കു​മ്പ​ളാം​പൊ​യ്ക സ്വ​ദേ​ശി അ​ഡ്വ.​ബോ​ബി തോ​മ​സ് മു​ഖേ​ന സ​മ​ര​സ​മി​തി ക​ക്ഷി ചേ​ർ​ന്ന​തോ​ടെ​യാ​ണ് പാ​റ​മ​ട​ലോ​ബി​യു​ടെ വാ​ദ​ങ്ങ​ൾ കോ​ട​തി​ക്കു​മു​ന്നി​ൽ പൊ​ളി​ഞ്ഞു​വീ​ണ​ത്. റാ​ന്നി നേ​രി​ട്ടു​കാ​വ് വ​ട്ട​ക​പ്പാ​റ​മ​ല​യി​ലെ വ​നം​കൊ​ള്ള 'മാ​ധ്യ​മം' ആ​ണ് പു​റ​ത്തു​കൊ​ണ്ടു​വ​ന്ന​ത്. പ​ഴ​വ​ങ്ങാ​ടി, നാ​റാ​ണം​മൂ​ഴി പ​ഞ്ചാ​യ​ത്തു​ക​ളു​ടെ അ​തി​ർ​ത്തി​പ്ര​ദേ​ശ​മാ​യ നീ​രാ​ട്ടു​കാ​വ് വ​ട്ട​ക​പ്പാ​റ മ​ല​യി​ൽ പാ​റ​മ​ട തു​ട​ങ്ങാ​നു​ള്ള നീ​ക്ക​ത്തി​നെ​തി​രെ​യാ​ണ് നീ​രാ​ട്ടു​കാ​വ് ഗ്രാ​മ​വാ​സി​ക​ൾ സ​മ​ര​സ​മി​തി രൂ​പ​വ​ത്​​ക​രി​ച്ച്​ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​ത്.

വ​ട്ട​ക​പ്പാ​റ മ​ല​യു​ടെ മു​ക​ളി​ൽ നൂ​റേ​ക്ക​റി​ലാ​യി വ്യാ​പി​ച്ചു​കി​ട​ക്കു​ന്ന പാ​റ​യു​ടെ അ​റു​പ​തേ​ക്ക​റോ​ളം സ്ഥ​ല​ത്താ​ണ് ഖ​ന​ന​ത്തി​ന്​ ത​യാ​റെ​ടു​ത്ത​ത്. ഇ​തി​ന്​ എ​ക്​​സ്​​ക​വേ​റ്റ​ർ ഉ​പ​യോ​ഗി​ച്ച് സ്ഥ​ല​ത്തെ മ​ണ്ണ് മാ​റ്റു​ക​യും മ​ര​ങ്ങ​ൾ മു​റി​ച്ചു​നീ​ക്കു​ക​യും ചെ​യ്തു. തേ​ക്കും ആ​ഞ്ഞി​ലി​യും ഉ​ൾ​പ്പെ​ടെ മ​ര​ങ്ങ​ൾ മു​റി​ച്ചു​മാ​റ്റി​യ ഭാ​ഗം വ​ന​ഭൂ​മി​യാ​ണെ​ന്ന് സ​മ​ര​സ​മി​തി തു​ട​ക്ക​ത്തി​ലേ ആ​രോ​പി​ച്ചു.

2018ലെ ​മ​ഹാ​പ്ര​ള​യ​ത്തി​ൽ ഈ ​മ​ല​യി​ൽ ഉ​രു​ൾ​പൊ​ട്ടി റാ​ന്നി ചെ​ത്തോ​ങ്ക​ര തോ​ട് നി​റ​ഞ്ഞു​ക​വി​ഞ്ഞ്​ വ​ൻ ന​ഷ്​​ടം ഉ​ണ്ടാ​യി. ഒ​രു വ​ർ​ഷം മു​മ്പ്​ കു​ടി​വെ​ള്ളം​പോ​ലും ല​ഭ്യ​മ​ല്ലാ​ത്ത വ​ട്ട​ക​പ്പാ​റ​യി​ലെ പാ​റ നി​റ​ഞ്ഞ ഭാ​ഗം ഏ​താ​നും ക്രി​സ്ത്യ​ൻ പു​രോ​ഹി​ത​രെ​ത്തി വൃ​ദ്ധ സ​ദ​നം തു​ട​ങ്ങാ​നെ​ന്ന പേ​രി​ൽ വാ​ങ്ങി​ക്കൂ​ട്ടു​ക​യാ​യി​രു​ന്നു. ചു​റ്റും റ​ബ​ർ ബോ​ർ​ഡി​െൻറ തോ​ട്ട​ങ്ങ​ൾ നി​റ​ഞ്ഞ ജ​ന​വാ​സം പോ​ലു​മി​ല്ലാ​ത്ത മേ​ഖ​ല​യി​ൽ സ​ഭ വ​സ്തു വാ​ങ്ങി​യ​തി​ൽ അ​ന്നേ നാ​ട്ടു​കാ​ർ​ക്ക് സം​ശ​യ​മു​ണ്ടാ​യി​രു​ന്നു.

പി​ന്നീ​ട് ഈ ​വ​സ്തു പാ​റ​മ​ട ലോ​ബി​ക്ക് മ​റി​ച്ചു​വി​ൽ​ക്കു​ക​യും അ​ധി​കം ജ​ന​വാ​സം ഇ​ല്ലാ​തി​രു​ന്നി​ട്ടു​കൂ​ടി പൊ​ട്ടി​പ്പൊ​ളി​ഞ്ഞു​കി​ട​ക്കു​ന്ന റാ​ന്നി​യി​ലെ മ​റ്റ്​ റോ​ഡു​ക​ൾ​ക്കി​ല്ലാ​ത്ത പ്രാ​ധാ​ന്യ​ത്തോ​ടെ എം.​എ​ൽ.​എ, എം.​പി ഫ​ണ്ട് എ​ന്നി​വ ഉ​പ​യോ​ഗി​ച്ച് കി​ലോ​മീ​റ്റ​റു​ക​ൾ നീ​ള​ത്തി​ൽ റോ​ഡ് പ​ണി​യു​ക​യും ചെ​യ്ത​തോ​ടെ സം​ശ​യം തോ​ന്നി​യ നാ​ട്ടു​കാ​ർ ചേ​ത്ത​ക്ക​ൽ വി​ല്ലേ​ജ് അ​ധി​കൃ​ത​രെ സ​മീ​പി​ച്ച​പ്പോ​ഴാ​ണ് പാ​റ​മ​ട തു​ട​ങ്ങാ​നു​ള്ള നീ​ക്കം വ​ള​രെ​യേ​റെ മു​ന്നോ​ട്ടു​പോ​യ​താ​യി അ​റി​യു​ന്ന​ത്. നാ​ട്ടു​കാ​ർ പ്ര​തി​ഷേ​ധം ഉ​യ​ർ​ത്തി​യ​തോ​ടെ വി​ഴി​ഞ്ഞം പ​ദ്ധ​തി​ക്ക് ക​ല്ല് എ​ത്തി​ക്കാ​ൻ ക​രാ​റെ​ടു​ത്തി​രി​ക്കു​ന്ന​യാ​ൾ ഖ​ന​നം ന​ട​ത്തു​ന്ന​തി​നാ​ൽ പ്ര​ദേ​ശ​വാ​സി​ക​ൾ വി​ക​സ​ന​ത്തി​ൽ പ​ങ്കാ​ളി​യാ​കു​ക​യാ​ണെ​ന്ന നി​ല​പാ​ടാ​യി​രു​ന്നു പ​ഞ്ചാ​യ​ത്തി​നും മ​റ്റു വ​കു​പ്പു​ക​ൾ​ക്കും.

വ​ട്ട​ക​പ്പാ​റ​മ​ല​യി​ൽ ഖ​ന​നം ആ​രം​ഭി​ക്കു​ന്ന​തോ​ടെ വ​ലി​യ ആ​രോ​ഗ്യ പാ​രി​സ്ഥി​തി​ക പ്ര​ശ്ന​ങ്ങ​ൾ സൃ​ഷ്​​ടി​ക്കു​മെ​ന്ന പ​രി​ഭ്രാ​ന്തി പ​ട​ർ​ന്നി​രു​ന്നു. പ്ര​തി​ഷേ​ധം ഉ​യ​ർ​ന്ന​തോ​െ​ട​യാ​ണ് പാ​റ​മ​ട​ലോ​ബി വ​ട്ട​ക​പ്പാ​റ​മ​ല​യി​ലെ വ​ന​ഭൂ​മി റ​വ​ന്യൂ ഭൂ​മി​യാ​ണെ​ന്ന് വ്യാ​ജ​രേ​ഖ​ക​ൾ ച​മ​ച്ച​ത്.