പ്ല​ാേൻറ​ഷൻ കോർപറേഷനിൽ 30ൽപരം ജീവനക്കാർക്ക്​ അനധികൃത സ്ഥാനക്കയറ്റം

പത്തനംതിട്ട: പ്ല​ാേൻറഷൻ കോർപറേഷനിൽ 30ൽപരം ജീവനക്കാരെ നിയമങ്ങൾ കാറ്റിൽപറത്തി സ്ഥാനകയറ്റം നൽകി. ജൂനിയർ അസിസ്​റ്റൻഡ്, ഫീൽഡ് അസി. തസ്​തികകളിലാണ്​ അനധികൃത സ്ഥാനക്കയറ്റം നൽകി നിയമനം നടത്തിയത്​.

കോർപറേഷനിലെ ജീവനക്കാർക്ക് സർവിസിൽ പ്രവേശിച്ച് ഏറ്റവും കുറഞ്ഞത് നാലുവർഷമെങ്കിലും സർവിസ് പൂർത്തികരിക്കണമെന്ന ചട്ടം നിലനിൽക്കെ മൂന്നുവർഷത്തിൽ താഴെ സർവിസുള്ളവർക്കാണ്​ സ്ഥാനകയറ്റം നൽകിയത്​.

തെരഞ്ഞെടുപ്പ്​ പെരുമാറ്റച്ചട്ടം പോലും പാലിക്കാതെയാണ്​ ഡയറക്​ടർ ബോർഡി​െൻറ നടപടി. കോർപറേഷനിൽ പണിയെടുക്കുന്ന 4000ൽപരം തൊഴിലാളികൾക്ക് 2017-2018ലെ ബോണസ് മുതൽ കുടിശ്ശികയാണ്​. മെഡിക്കൽ ലീവ് ആനുകൂല്യം യൂനിഫോം ഇവയൊന്നും ലഭിക്കുന്നില്ല. ഇത്തരം സാഹചര്യം നിലനിൽക്കെയാണ്​ ഇഷ്​ടക്കാർക്ക് സ്ഥാനക്കയറ്റം നൽകൽ നടപടി.

നിലവിലെ ജീവനക്കാർക്ക്​ സ്ഥാനക്കയറ്റം കിട്ടാൻ 10 വർഷംവരെ കാത്തിരിക്കേണ്ടിവന്നിട്ടുണ്ട്.​ അനധികൃത സ്ഥാനക്കയറ്റം അടിയന്തരമായി പിൻവലിക്കണമെന്ന് പ്ലാ​േൻറഷൻ വർക്കേഴ്സ് കോൺഗ്രസ് (ഐ.എൻ.ടി.യു.സി) ജനറൽ സെക്രട്ടറി അങ്ങാടിക്കൽ വിജയകുമാർ ആവശ്യപ്പെട്ടു. ഇല്ലെങ്കിൽ ശക്തമായ സമരപരിപാടികൾ ആരംഭിക്കുമെന്നും അ​േദ്ദഹം പറഞ്ഞു.