ക​ല​ക്​​ട​റേ​റ്റി​ൽ യു.​ഡി.​എ​ഫ്, എ​ൽ.​ഡി.​എ​ഫ്​ പ്ര​തി​ഷേ​ധം; അവസാന നിമിഷം വരണാധികാരിക്ക്​ മുന്നിൽ ‘ഏറ്റുമുട്ടി’ മുന്നണികൾ

പ​ത്ത​നം​തി​ട്ട: ര​ണ്ട്​ മാ​സം നീ​ണ്ട കൊ​ട്ടി​ക്ക​യ​റി​യ തെ​ര​ഞ്ഞെ​ടു​പ്പ് ​പ്ര​ചാ​ര​ണ​ത്തി​ന്​ ശേ​ഷം നി​ശ്ശ​ബ്​​ദ പ്ര​ചാ​ര​ണ ദി​വ​സ​മാ​യ വ്യാ​ഴാ​ഴ്​​ച​യും രാ​ഷ്ട്രീ​യ ചൂ​ടി​ന്​ ശ​മ​ന​മി​ല്ലാ​യി​രു​ന്നു. നി​രോ​ധ​നാ​ജ്​​ഞ​ നി​ല​നി​ൽ​ക്കെ പ​ത്ത​നം​തി​ട്ട പാ​ർ​ല​​മെ​ന്‍റ്​ മ​ണ്ഡ​ലം വ​ര​ണാ​ധി​കാ​രി​യുടെ ആ​സ്ഥാ​ന​മാ​യ ക​ല​ക്​​ട​റേ​റ്റി​ലും മ​ണി​ക്കൂ​റു​ക​ൾ പ്ര​തി​ഷേ​ധ​ത്തി​ന്​ വേ​ദി​യാ​യി. കോ​ന്നി നി​യോ​ജ​ക മ​ണ്ഡ​ല​ത്തി​ലെ പോ​ളി​ങ് ഉ​ദ്യോ​ഗ​സ്ഥ​രു​ടെ നി​യ​മ​ന പ​ട്ടി​ക പു​റ​ത്താ​യ സം​ഭ​വ​ത്തി​ലാ​ണ് യു.​ഡി.​എ​ഫ്​ , എ​ൽ.​ഡി.​എ​ഫ്​ പ്ര​തി​ഷേ​ധം ന​ട​ന്ന​ത്.

സം​ഭ​വ​ത്തി​ൽ കോ​ന്നി താ​ലൂ​ക്ക് ഓ​ഫി​സി​ലെ എ​ല്‍.​ഡി ക്ലാ​ര്‍ക്ക് യ​ദു​കൃ​ഷ്ണ​നെ ജി​ല്ല വ​ര​ണാ​ധി​കാ​രി കൂ​ടി​യാ​യ ക​ല​ക്ട​ര്‍ എ​സ്. പ്രേം ​കൃ​ഷ്ണ​ൻ​ സ​സ്‌​പെ​ന്‍ഡ് ചെ​യ്തു. ഔ​ദ്യോ​ഗി​ക മെ​യി​ലി​ല്‍ അ​യ​ച്ച രേ​ഖ​ക​ള്‍ വാ​ട്‌​സ്ആ​പ് ഗ്രൂ​പ്പി​ല്‍ പ്ര​ച​രി​പ്പി​ച്ച​തി​നാ​ണ്​ ന​ട​പ​ടി സ്വീ​ക​രി​ച്ച​ത്. ഔ​ദ്യോ​ഗി​ക രേ​ഖ പ്ര​ച​രി​പ്പി​ച്ച എ​ല്ലാ​വ​ര്‍ക്കു​മെ​തി​രെ ന​ട​പ​ടി സ്വീ​ക​രി​ക്കു​മെ​ന്നും സം​ഭ​വ​ത്തി​ല്‍ പൊ​ലീ​സി​ല്‍ പ​രാ​തി ന​ല്‍കി​യെ​ന്നും അ​ന്വേ​ഷ​ണം ന​ട​ത്തു​മെ​ന്നും വ​ര​ണാ​ധി​കാ​രി അ​റി​യി​ച്ചു.

പോ​ളി​ങ് സാ​മ​ഗ്രി​ക​ളു​ടെ വി​ത​ര​ണം ന​ട​ക്കു​ന്ന കേ​ന്ദ്ര​ങ്ങ​ളി​ല്‍ പ​തി​ക്കു​ന്ന​തി​ന് വേ​ണ്ടി പ്രി​ന്റ് ചെ​യ്യാ​ന്‍ കൊ​ടു​ത്ത വി​വ​ര​ങ്ങ​ളാ​ണ് പു​റ​ത്താ​യി​രി​ക്കു​ന്ന​ത് എ​ന്നാ​ണ് യ​ദു​കൃ​ഷ്ണ​ന്റെ വി​ശ​ദീ​ക​ര​ണം. ഇ​ത് അ​റി​യാ​തെ ഓ​ഫി​സ​ര്‍മാ​രു​ടെ ഗ്രൂ​പ്പി​ലേ​ക്ക് പോ​യ​താ​ണെ​ന്നാ​ണ് പ​റ​യു​ന്ന​ത്. ഉ​ത്ത​ര​വ് ചോ​ര്‍ന്ന​തി​ന് പി​ന്നാ​ലെ ക​ല​ക്ട​ര്‍ അ​ടി​യ​ന്ത​ര​മാ​യി ഇ​ട​പെ​ട്ടു. പ​ത്ത​നാ​പു​ര​ത്ത് നി​ന്ന് ത​ഹ​സി​ല്‍ദാ​രെ വി​ളി​ച്ചു​വ​രു​ത്തി പോ​സ്റ്റി​ങ് ഓ​ര്‍ഡ​ര്‍ രാ​ത്രി ത​ന്നെ പു​നഃ​ക്ര​മീ​ക​രി​ച്ചു. ഇ​ത​നു​സ​രി​ച്ചാ​ണ് പോ​ളി​ങ് സാ​മ​ഗ്രി​ക​ളു​ടെ വി​ത​ര​ണം ന​ട​ന്ന​ത്.

ഇ​തി​നി​ടെ റാ​ന്നി നി​യോ​ജ​ക മ​ണ്ഡ​ല​ത്തി​ല്‍ തെ​ര​ഞ്ഞെ​ടു​പ്പ് ച​ട്ട​ങ്ങ​ള്‍ക്ക് വി​രു​ദ്ധ​മാ​യി തെ​ര​ഞ്ഞെ​ടു​പ്പ് സാ​മ​ഗ്രി​ക​ളു​മാ​യി പോ​കു​ന്ന വാ​ഹ​ന​ങ്ങ​ളി​ല്‍ റൂ​ട്ട് ഓ​ഫി​സ​ര്‍മാ​രാ​യി താ​ല്‍ക്കാ​ലി​ക ജീ​വ​ന​ക്കാ​രെ നി​യോ​ഗി​ച്ചു​വെ​ന്നാ​ണ് ആ​ക്ഷേ​പം. നി​യോ​ജ​കമ​ണ്ഡ​ല​ത്തി​ലെ വി​ത​ര​ണ കേ​ന്ദ്ര​മാ​യ സെ​ന്റ് തോ​മ​സ് കോ​ള​ജി​ല്‍നി​ന്ന് മൂ​ന്നു റൂ​ട്ടു​ക​ളി​ലേ​ക്ക് ഓ​ഫി​സ​ര്‍മാ​രാ​യി നി​യോ​ഗി​ച്ചി​രി​ക്കു​ന്ന​ത് താ​ല്‍ക്കാ​ലി​ക ജീ​വ​ന​ക്കാ​രി​ക​ളെ ആ​ണെ​ന്നാ​ണ് ആ​ക്ഷേ​പം.

കാ​ഷ്വ​ല്‍ സ്വീ​പ്പ​ര്‍മാ​രാ​ണ് മൂ​ന്നു പേ​രും. ഇ​വ​ര്‍ പാ​ര്‍ട്ട്‌​ടൈം സ്വീ​പ്പ​ര്‍ ത​സ്തി​ക​യി​ലേ​ക്ക് സ്ഥാ​ന​ക്ക​യ​റ്റം ആ​വ​ശ്യ​പ്പെ​ട്ട് കോ​ട​തി​യി​ല്‍ കേ​സ് ന​ട​ത്തി വ​രു​ന്ന​വ​രാ​ണ്. കേ​സ് അ​വ​സാ​നി​ക്കു​ക​യോ സ്ഥാ​ന​ക്ക​യ​റ്റം കി​ട്ടു​ക​യോ ചെ​യ്യാ​ത്ത​തി​നാ​ല്‍ ഇ​വ​ര്‍ താ​ല്‍ക്കാ​ലി​ക ജീ​വ​ന​ക്കാ​രാ​യി തു​ട​രു​ക​യാ​ണ്. ഇ​വ​രെ​യാ​ണ് ച​ട്ടം മ​റി​ക​ട​ന്ന സാ​മ​ഗ്രി​ക​ളു​ടെ വി​ത​ര​ണ​ത്തി​ന് നി​യോ​ഗി​ച്ചി​ട്ടു​ള്ള​ത്. ഭ​ര​ണാ​നു​കൂ​ല സം​ഘ​ട​ന​ക​ളി​ലെ ജീ​വ​ന​ക്കാ​രാ​ണ് ഇ​തി​ന് പി​ന്നി​ല്‍ എ​ന്നാ​ണ് ആ​ക്ഷേ​പം.

നേ​താ​ക്ക​ളും ബി.​എ​ൽ.​ഒ​മാ​രും ഒ​ത്തു​ക​ളി​ച്ചു

പ​ല ബൂ​ത്തു​ക​ളി​ലും ബി.​എ​ൽ.​ഒ​മാ​രെ ഉ​പ​യോ​ഗി​ച്ച്​ വി​വി​ധ ത​ര​ത്തി​ലു​ള്ള കൃ​ത്രി​മ​ങ്ങ​ൾ ന​ട​ന്ന​താ​യും വ്യാ​പ​ക പ​രാ​തി​ക​ളു​ണ്ട്​. ബൂ​ത്ത്​ ​കേ​ന്ദ്ര​ങ്ങ​ളി​ൽ പാ​ർ​ട്ടി നേ​താ​ക്ക​ളും ബി.​എ​ൽ.​ഒ​മാ​രും ചേ​ർ​ന്ന്​ വോ​ട്ട​ർ​മാ​രെ അ​വ​ർ അ​റി​യാ​തെ പ​ട്ടി​ക​യി​ൽ​നി​ന്ന്​ നീ​ക്കം ചെ​യ്ത നി​ര​വ​ധി പ​രാ​തി​ക​ളും ഉ​യ​ർ​ന്നി​ട്ടു​ണ്ട്. ത​ങ്ങ​ൾ​ക്ക്​ അ​നു​കൂ​ല​മ​ല്ലാ​ത്ത ആ​ളു​ക​ളെ പ​ട്ടി​ക​യി​ൽ​നി​ന്ന്​ നീ​ക്കാ​ൻ ഓ​രോ പ്ര​ദേ​ശ​ത്തും നേ​താ​ക്ക​ൾ,​ ബി. ​എ​ൽ. ഒ​മാ​രു​മാ​യി ഒ​ത്തു​ക​ളി​ക്കു​ക​യാ​യി​രു​ന്നു. പേ​രു​ണ്ടാ​യി​രു​ന്ന​വ​ർ ക​ഴി​ഞ്ഞ ദി​വ​സ​ങ്ങ​ളി​ൽ​മാ​ത്ര​മാ​ണ്​ പേ​ര്​ ഒ​ഴി​വാ​ക്കി​യ​ത്​ അ​റി​യു​ന്ന​ത്. ​

ര​ണ്ട്​ ദി​വ​സം മു​മ്പാ​ണ്​ പോ​ളി​ങ്​​ ഉ​ഗ്യോ​സ്ഥ​രു​​ടെ പേ​രു​വി​വ​ര​ങ്ങ​ളും പോ​ളി​ങ്​​ സ്​​റ്റേ​ഷ​നും അ​ട​ങ്ങു​ന്ന കോ​ന്നി മ​ണ്ഡ​ല​ത്തി​ലെ ഒൗ​ദ്യോ​ഗി​ക പ​ട്ടി​ക ചോ​ർ​ന്ന​ത്. ഉ​ഗ്യോ​ഗ​സ്ഥ​രു​​യെും മ​റ്റും വി​വി​ധ വാ​ട്​​സാ​പ്പ്​ ഗ്രൂ​പ്പു​ക​ളി​ൽ ഇ​ത്​ പ്ര​ച​രി​ക്കു​ക​യും ചെ​യ്തു. തെ​ര​ഞ്ഞെ​ടു​പ്പ്​ സാ​മ​ഗ്രി​ക​ൾ ഏ​റ്റു വാ​ങ്ങാ​ൻ എ​ത്തു​​മ്പോ​ഴാ​ണ്​ ത​ങ്ങ​ൾ ഏ​ത്​ പോ​ളി​ങ്​ ​സ്​​റ്റേ​ഷ​നി​ലാ​ണ്​ ജോ​ലി ചെ​േ​യ്യ​ണ്ട​ത്​ എ​ന്ന​റി​യു​ന്ന​ത്

പ്ര​തി​ഷേ​ധ​വു​മാ​യി ആ​ദ്യം എ​ത്തി​യ​ത്​ യു.​ഡി.​എ​ഫ്​

നി​യ​മ​ന പ​ട്ടി​ക​ ചോ​ർ​ന്ന സം​ഭ​വ​ത്തി​ൽ യു.​ഡി.​എ​ഫ്​ സ്​​ഥാ​നാ​ർ​ഥി ആ​ന്‍റോ ആ​ന്‍റ​ണി​യു​​ടെ നേ​ത്യ​ത്വ​ത്തി​ൽ കോ​ൺ​ഗ്ര​സ്​​നേ​താ​ക്ക​ളാ​ണ്​ ആ​ദ്യം പ്ര​തി​ഷേ​ധ​വു​മാ​യി എ​ത്തി​യ​ത്.

വ്യാ​ഴാ​ഴ്ച രാ​വി​ലെ പ​ത്ത്​​ മ​ണി​യോ​ടെ എ​ത്തി​യ ആ​​​ന്‍റോ​യും ഡി.​സി.​സി നേ​താ​ക്ക​ളും ഇ​ത്​ സം​ബ​ന്ധി​ച്ച്​ ക​ല​ക്ട​ർ എ​സ്. പ്രേം ​കൃ​ഷ്ണ​ന്​​ പ​രാ​തി ന​ൽ​കി ന​ട​പ​ടി​യെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ടു. ഒ​രു മ​ണി​ക്കൂ​റി​നു​ള്ളി​ൽ അ​ന്വേ​ഷി​ച്ച് ന​ട​പ​ടി​യെ​ടു​ക്കാം എ​ന്ന് വ​ര​ണാ​ധി​കാ​രി കൂ​ടി​യാ​യ ക​ല​ക്ട​ർ ഉ​റ​പ്പു​ന​ൽ​കി.

ഇ​ട​ത്​ സം​ഘ​ട​ന​ക​ളി​ലെ ജീ​വ​ന​ക്കാ​രാ​ണ്​ ഇ​തി​നെ​ല്ലാം ചു​ക്കാ​ൻ പി​ടി​ക്കു​ന്ന​തെ​ന്ന്​ കോ​ൺ​ഗ്ര​സ്​ നേ​താ​ക്ക​ൾ ആ​രോ​പി​ച്ചു. ​

ജി​ല്ല​യി​ലെ ഒ​രു എം.​എ​ൽ.​എ​യു​ടെ നേ​ത്യ​ത്വ​ത്തി​ൽ ക​ഴി​ഞ്ഞ ആ​ഴ്ച പ​ത്ത​നം​തി​ട്ട​യി​ലെ ഒ​രു ലോ​ഡ്ജ്​ കേ​​ന്ദ്രീ​ക​രി​ച്ച്​ പാ​ർ​ട്ടി പ്ര​വ​ർ​ത്ത​ക​ർ​ക്ക് ര​ഹ​സ്യ​മാ​യി​ ക​ള്ള​വോ​ട്ട്​ ചെ​യ്യാ​ൻ​ പ​രി​ശീ​ല​നം ന​ൽ​കി​യ​താ​യും കോ​ൺ​ഗ്ര​സ്​ നേ​താ​ക്ക​ൾ ആ​രോ​പി​ച്ചി​രു​ന്നു.

സ​മ​ര​വു​മാ​യി എ​ൽ.​ഡി.​എ​ഫും

പോ​ളി​ങ് ഉ​ദ്യോ​ഗ​സ്ഥ​രു​ടെ പ​ട്ടി​ക ഉ​ദ്യോ​ഗ​സ്ഥ​രു​ടെ ഗ്രൂ​പ്പി​ലി​ട്ടു എ​ന്ന് പ​റ​ഞ്ഞ് ഒ​രു ഉ​ദ്യോ​ഗ​സ്ഥ​നെ മാ​ത്രം സ​സ്പെ​ൻ​ഡ് ചെ​യ്ത ന​ട​പ​ടി​ക്കെ​തി​രെ ഇ​ട​തു മു​ന്ന​ണി നേ​താ​ക്ക​ള്‍ തെ​ര​ഞ്ഞെ​ടു​പ്പ് മു​ഖ്യ വ​ര​ണാ​ധി​കാ​രി​യാ​യ ക​ല​ക്ട​ർ​ക്ക് പ​രാ​തി ന​ല്‍കി. സം​ഭ​വ​ത്തി​ല്‍ ഏ​റ്റ​വും ഗു​രു​ത​ര കു​റ്റം ചെ​യ്തി​രി​ക്കു​ന്ന​ത് ഔ​ദ്യോ​ഗി​ക ഗ്രൂ​പ്പി​ൽ വ​ന്ന പ​ട്ടി​ക അ​തി​ല്‍നി​ന്നും പൊ​തു ഗ്രൂ​പ്പു​ക​ളി​ലേ​ക്ക് മാ​റ്റി​യ​വ​രാ​ണ്. ആ ​ഉ​ദ്യോ​ഗ​സ്ഥ​ർ​ക്കെ​തി​രെ​യും ക​ർ​ശ​ന ന​ട​പ​ടി സ്വീ​ക​രി​ക്ക​ണം. ജി​ല്ല പൊ​ലീ​സ് മേ​ധാ​വി​യു​മാ​യി ച​ർ​ച്ച ചെ​യ്ത​തി​നെ തു​ട​ര്‍ന്ന് സൈ​ബ​ർ സെ​ല്ലി​നും എ​ല്‍.​ഡി.​എ​ഫ് പ​രാ​തി ന​ൽ​കി. സൈ​ബ​ർ സെ​ല്ലി​ന്റെ അ​ന്വേ​ഷ​ണം എ​ത്ര​യും വേ​ഗം ന​ട​ത്തി, ക​ഴി​യു​മെ​ങ്കി​ൽ ഇ​ന്നു​ത​ന്നെ ഗു​രു​ത​ര തെ​റ്റ് ചെ​യ്ത മു​ഴു​വ​ൻ ജീ​വ​ന​ക്കാ​രെ​യും സ​സ്പെ​ൻ​ഡ് ചെ​യ്യ​ണ​മെ​ന്ന് എ​ൽ.​ഡി.​എ​ഫ്‌ ക​ല​ക്ട​റോ​ട് ആ​വ​ശ്യ​പ്പെ​ട്ടി​ട്ടു​ണ്ട്. നി​ല​വി​ലെ ന​ട​പ​ടി ഏ​ക​പ​ക്ഷീ​യ​മാ​ണെ​ന്നും ഇ​വ​ർ ചു​ണ്ടി​ക്കാ​ട്ടി.

15 വ​ർ​ഷ​ക്കാ​ലം ഒ​ന്നും ചെ​യ്യാ​ത്ത ആ​ന്റോ ആ​ന്റ​ണി​ക്ക് ഇ​പ്പോ​ൾ ജ​ന പി​ന്തു​ണ​യി​ല്ലെ​ന്ന് ക​ണ്ട​പ്പോ​ൾ ജ​ന​ശ്ര​ദ്ധ തി​രി​ച്ചു​വി​ടാ​ൻ ന​ട​ത്തി​യ ആ​രോ​പ​ണ​മാ​ണ്. എ​ങ്കി​ലും എ​ല്‍ഡി​എ​ഫ് സ്ഥാ​നാ​ര്‍ഥി​യെ വ്യ​ക്തി​ഹ​ത്യ ന​ട​ത്താ​ൻ കൂ​ടി ന​ട​ത്തി​യ ആ​രോ​പ​ണ​മാ​ണ്. തെ​ര​ഞ്ഞെ​ടു​പ്പ് ക​മ്മീ​ഷ​ൻ ച​ട്ടം അ​നു​ശാ​സി​ക്കു​ന്ന വി​ധ​ത്തി​ൽ ഇ​പ്പോ​ൾ ത​ന്നെ അ​ന്വേ​ഷ​ണം ആ​രം​ഭി​ക്കു​മെ​ന്ന് ക​ല​ക്ട​ർ ഉ​റ​പ്പും ന​ൽ​കി​യി​ട്ടു​ണ്ട്. വ​ലി​യൊ​രു ജ​ന​ക്കൂ​ട്ട​മാ​യാ​ണ് വ്യാ​ഴാ​ഴ്ച ക​ല​ക്ട​റേ​റ്റി​നു മു​ന്നി​ൽ യു.​ഡി.​എ​ഫ് സ്ഥാ​നാ​ർ​ഥി ആ​ന്റോ ആ​ന്റ​ണി​യു​ടെ നേ​തൃ​ത്വ​ത്തി​ൽ സ​ത്യ​ഗ്ര​ഹം ന​ട​ന്ന​ത്.

144 പ്ര​ഖ്യാ​പി​ച്ചി​ട്ടു​ള്ള മ​ണ്ഡ​ല​ത്തി​ൽ ഇ​ത്ത​ര​ത്തി​ല്‍ ന​ട​ത്തി​യ സ​മ​രം തി​ക​ച്ചും നി​യ​മ​വി​രു​ദ്ധ​മാ​ണെ​ന്നും തു​ട​ർ​ന്ന്​ മാ​ധ്യ​മ​മ്ര​പ​വ​ർ​ത്ത​ക​രെ ക​ണ്ട സി.​പി.​എം ജി​ല്ല സെ​ക്ര​ട്ട​റി കെ.​പി. ഉ​ദ​യ​ഭാ​നു, എ​ൽ.​ഡി.​എ​ഫ് പ​ത്ത​നം​തി​ട്ട ലോ​ക്സ​ഭ മ​ണ്ഡ​ലം തെ​ര​ഞ്ഞെ​ടു​പ്പ് ക​മ്മി​റ്റി സെ​ക്ര​ട്ട​റി രാ​ജു ഏ​ബ്ര​ഹാം, ജി​ല്ലാ സെ​ക്ര​ട്ടേ​റി​യ​റ്റ്​ അം​ഗം അ​ഡ്വ. ഓ​മ​ല്ലൂ​ര്‍ ശ​ങ്ക​ര​ന്‍, എം.​എ​ല്‍.​എ​മാ​രാ​യ പ്ര​മോ​ദ് നാ​രാ​യ​ണ്‍, കെ.​യു. ജ​നീ​ഷ്്​ കു​മാ​ര്‍ എ​ന്നി​വ​ർ പ​റ​ഞ്ഞു.

ആ​ന്റോ​ക്കെ​തി​രെ കേ​സ് ന​ല്‍കും -എം.​എ​ൽ.​എ

പ​ത്ത​നം​തി​ട്ട: ആ​ന്റോ ആ​ന്റ​ണി ക​ള്ള പ്ര​ചാ​ര​ണ​ങ്ങ​ൾ ന​ട​ത്തു​ന്ന​തി​നെ​തി​രെ മാ​ന​ന​ഷ്ട​ത്തി​ന് കേ​സ് ന​ല്‍കു​മെ​ന്ന്​ കെ.​യു. ജ​നീ​ഷ്​ കു​മാ​ര്‍ എം.​എ​ൽ.​എ പ​റ​ഞ്ഞു. 30 പേ​ർ​ക്ക്​ ഇ​രി​ക്കാ​വു​ന്ന പ​ത്ത​നം​തി​ട്ട​യി​ലെ ഹോ​ട്ട​ലി​ൽ 350 ആ​ളു​ക​ളു​ടെ യോ​ഗം ഞാ​ൻ വി​ളി​ച്ച്​ ക​ള്ള​വോ​ട്ടി​ന്​ പ്രേ​രി​പ്പി​ച്ചെ​ന്നാ​ണ്​ ആ​ന്‍റോ​യു​ടെ ആ​രോ​പ​ണം.