മദ്യപാനം പൊലീസിൽ അറിയി​ച്ചതിന്​ മർദനം: രണ്ട് യുവാക്കൾ അറസ്റ്റിൽ

വാ​യ്പൂ​ര്: പൊ​തു​സ്ഥ​ല​ത്തി​രു​ന്ന് മ​ദ്യ​പി​ക്കു​ന്ന​ത്​ പൊ​ലീ​സി​ൽ അ​റി​യി​ച്ച​തി​ന്റെ പേ​രി​ൽ വീ​ട്ടി​ൽ അ​തി​ക്ര​മി​ച്ചു​ക​യ​റി സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​രെ മ​ർ​ദി​ച്ച ര​ണ്ട് പേ​ർ അ​റ​സ്റ്റി​ൽ. വാ​യ്പൂ​ര് കു​ള​ത്തൂ​ർ ന​ടു​ഭാ​ഗം ഒ​ര​യ്ക്ക​ൽ​പാ​റ ഒ.​എം. അ​നൂ​പ് (39), വാ​യ്പൂ​ര് കു​ള​ത്തൂ​ർ കി​ടാ​ര​ക്കു​ഴി​യി​ൽ വീ​ട്ടി​ൽ കെ.​ജി. സൈ​ജു (43) എ​ന്നി​വ​രാ​ണ് പി​ടി​യി​ലാ​യ​ത്. കോ​ട്ടാ​ങ്ങ​ൽ കു​ള​ത്തൂ​ർ പു​ത്തൂ​ർ​വീ​ട്ടി​ൽ വ​ത്സ​ല രാ​ധാ​കൃ​ഷ്ണ​ന്‍റെ മ​രു​മ​ക​ൻ പ്ര​ദീ​പ്‌ ആ​ണെ​ന്ന് സം​ശ​യി​ച്ച് ക​ഴി​ഞ്ഞ​ദി​വ​സം രാ​ത്രി 10.30 ഓ​ടെ ഇ​വ​രു​ടെ വീ​ട്ടി​ൽ അ​തി​ക്ര​മി​ച്ചു​ക​യ​റി ദേ​ഹോ​പ​ദ്ര​വം ഏ​ൽ​പി​ക്കു​ക​യാ​യി​രു​ന്നു.

വ​ധ​ഭീ​ഷ​ണി മു​ഴ​ക്കി​യെ​ത്തി​യ പ്ര​തി​ക​ൾ വ​ത്സ​ല​യു​ടെ മ​ക​ൾ ര​വി​ത​യെ ഹെ​ൽ​മെ​റ്റി​ന്​ ത​ല​ക്ക​ടി​ച്ചു. സം​ഭ​വം ക​ണ്ട്​ ഓ​ടി​യെ​ത്തി​യ പ്ര​ദീ​പി​നെ ഒ​ന്നാം​പ്ര​തി അ​നൂ​പ് ക​യ്യി​ൽ ക​രു​തി​യ ക​ത്തി​കൊ​ണ്ട് കു​ത്താ​നാ​യി വീ​ശി​യെ​ങ്കി​ലും ഒ​ഴി​ഞ്ഞു​മാ​റി. ര​ണ്ടാ​മ​തും കു​ത്താ​ൻ ക​ത്തി​വീ​ശി​യ​പ്പോ​ൾ ത​ട​സ്സം പി​ടി​ച്ച വ​ത്സ​ല​യെ ത​ല​ക്ക​ടി​ക്കു​ക​യും ചെ​യ്തു.

ആ​ക്ര​മ​ണ​ത്തി​ൽ വ​ത്സ​ല​ക്കും മ​ക​ൾ​ക്കും പ​രി​ക്ക് പ​റ്റി. ബ​ഹ​ളം കേ​ട്ട് അ​യ​ൽ​വാ​സി​ക​ൾ ഓ​ടി​യെ​ത്തി​യ​പ്പോ​ൾ അ​നൂ​പും സൈ​ജു​വും ഓ​ടി ര​ക്ഷ​പ്പെ​ട്ടി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു. പ​രു​ക്കേ​റ്റ​വ​ർ കാ​ഞ്ഞി​ര​പ്പ​ള്ളി താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ തേ​ടി. ര​വി​ത​യെ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.