രണ്ട്​ ഗുണ്ടകളെ കരുതൽ തടങ്കലിലാക്കി

പ​ത്ത​നം​തി​ട്ട: സാ​മൂ​ഹി​ക​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ നി​ര​ന്ത​രം ഏ​ർ​പ്പെ​ട്ട് നാ​ട്ടി​ൽ അ​സ്വ​സ്ഥ​ത​ക​ൾ സൃ​ഷ്ടി​ക്കു​ക​യും ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി ഉ​യ​ർ​ത്തു​ക​യും ചെ​യ്ത ര​ണ്ട് ഗു​ണ്ട​ക​ളെ ക​രു​ത​ൽ ത​ട​ങ്ക​ലി​ലാ​ക്കി. പെ​രു​മ്പെ​ട്ടി ഏ​ഴു​മ​റ്റൂ​ർ ചാ​ലാ​പ്പ​ള്ളി പു​ള്ളോ​ലി​ത്ത​ട​ത്തി​ൽ എ​സ്. സു​ബി​ൻ (26), തി​രു​വ​ല്ല കു​റ്റ​പ്പു​ഴ കി​ഴ​ക്ക​ൻ മു​ത്തൂ​ർ പ്ലാം​പ​റ​മ്പി​ൽ ക​രു​ണാ​ല​യം വീ​ട്ടി​ൽ​നി​ന്ന്​ കോ​ട്ട​യം പാ​യി​പ്പാ​ട് നാ​ലു​കോ​ടി കൊ​ച്ചു​പ​ള്ളി തു​രു​ത്തി​ക്ക​ട​വ് സ്മി​ത ഭ​വ​നി​ൽ വാ​ട​ക​ക്ക്​ താ​മ​സി​ക്കു ദീ​പു​മോ​ൻ (26) എ​ന്നി​വ​രെ​യാ​ണ് ക​രു​ത​ൽ ത​ട​ങ്ക​ലി​ലാ​ക്കി​യ​ത്.

ജി​ല്ല പൊ​ലീ​സ് മേ​ധാ​വി​യു​ടെ റി​പ്പോ​ർ​ട്ടു​ക​ളു​ടെ അ​ടി​സ്ഥാ​ന​ത്തി​ൽ, ക​ല​ക്ട​റു​ടെ ഉ​ത്ത​ര​വി​നെ തു​ട​ർ​ന്നാ​ണ് ന​ട​പ​ടി. റാ​ന്നി, കീ​ഴ്‌​വാ​യ്പൂ​ർ, പെ​രു​മ്പെ​ട്ടി, റാ​ന്നി എ​ക്സൈ​സ് എ​ന്നി​വ​ട​ങ്ങ​ളി​ലെ ആ​റ്​ കേ​സി​ൽ പ്ര​തി​യാ​ണ് സു​ബി​ൻ. 2015 മു​ത​ൽ ഇ​തു​വ​രെ ആ​കെ ഒ​മ്പ​തു ക്രി​മി​ന​ൽ കേ​സി​ൽ ഉ​ൾ​പ്പെ​ട്ട കു​റ്റ​വാ​ളി​യാ​ണ് ദീ​പു​മോ​ൻ.