സ്കൂട്ടർ ഇടിച്ചിട്ട വാഹനം നിർത്താതെ പോയി; യുവാവിന് ഗുരുതര പരിക്ക്

തിരുവല്ല: ടി.കെ. റോഡിലെ തോട്ടഭാഗത്ത് അജ്‌ഞാത വാഹനം സ്കൂട്ടറിൽ ഇടിച്ചുണ്ടായ അപകടത്തിൽ യുവാവിന് പരിക്കേറ്റു.

ഇരവിപേരൂർ സംഗീത ഭവനിൽ സന്ദീപ് സനുവിനാണ് (21) പരിക്കേറ്റത്. ബുധനാഴ്ച വൈകീട്ട് നാലു മണിയോടെ തോട്ടഭാഗം ജങ്ഷന് സമീപമായിരുന്നു അപകടം.

സന്ദീപ് സഞ്ചരിച്ചിരുന്ന സ്കൂട്ടറിനെ ഇടിച്ചിട്ട വാഹനം നിർത്താതെ പോവുകയായിരുന്നു. തലക്ക് സാരമായി പരിക്കേറ്റ സന്ദീപിനെ തിരുവല്ലയിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.