യജമാനനെ അവസാനമായി കണ്ട്​ ‘ടൈഗർ’; നൊമ്പരമുണർത്തി സ്​നേഹപ്രകടനം

തി​രു​വ​ല്ല: മാ​ത്യു​വി​ന്‍റെ മൃ​ത​ദേ​ഹം ക​യ​റ്റി​യ ആം​ബു​ല​ൻ​സി​ലേ​ക്ക്​ ച​ങ്ങ​ല പൊ​ട്ടി​ച്ച്​ ‘ടൈ​ഗ​ർ’ ഓ​ടി​യ​ണ​ഞ്ഞു. മ​ര​ണ​യാ​ത്ര​യി​ലും യ​ജ​മാ​ന​നെ പി​രി​യാ​ൻ അ​വ​ൻ ത​യാ​റാ​യി​രു​ന്നി​ല്ല. ന​വം​ബ​ർ ര​ണ്ടി​ന്​ നി​ര്യാ​ത​നാ​യ തി​രു​വ​ല്ല മേ​പ്രാ​ൽ ക​ട്ട​പ്പു​റ​ത്ത് പാ​ല​ത്തി​ട്ട​യി​ൽ വീ​ട്ടി​ൽ 69 കാ​ര​നാ​യ പി.​എം. മാ​ത്യു​വി​ന്‍റെ (ത​ങ്ക​ച്ച​ൻ) മൃ​ത​ദേ​ഹം വീ​ട്ടി​ൽ നി​ന്ന്​ സെ​മി​നാ​രി​യി​ലേ​ക്ക്​ കൊ​ണ്ടു​പോ​കു​മ്പോ​ഴാ​യി​രു​ന്നു​ എ​ല്ലാ​വ​രേ​യും ക​ണ്ണീ​ര​ണി​യി​ച്ച വ​ള​ർ​ത്തു​നാ​യു​ടെ സ്​​നേ​ഹ​പ്ര​ക​ട​നം. ഇ​പ്പോ​ൾ അ​തി​ന്‍റെ വി​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്.

വീ​ടി​ന്‍റെ പി​ൻ​വ​ശ​ത്ത് കെ​ട്ടി​യി​ട്ടി​രു​ന്ന നാ​യാ​ണ്​ ചു​റ്റു​മ​തി​ലും ചാ​ടി​ക്ക​ട​ന്ന് ആം​ബു​ല​ൻ​സി​ന​ക​ത്തേ​ക്ക്​ പാ​ഞ്ഞു ക​യ​റി​യ​ത്. ടൈ​ഗ​റി​നെ പി​ന്തി​രി​പ്പി​ക്കാ​ൻ ഒ​രു ബ​ന്ധു ശ്ര​മി​ക്കു​ന്ന​തും അ​ത് വ​ക​വെ​ക്കാ​തെ മു​ഖ​മു​യ​ർ​ത്തി നോ​ക്കു​ന്ന​തും ദൃ​ശ്യ​ങ്ങ​ളി​ൽ കാ​ണാം. ഇ​തി​ന് ശേ​ഷം ആം​ബു​ല​ൻ​സി​ൽ നി​ന്നും ഇ​റ​ങ്ങി വീ​ടി​ന്‍റെ പോ​ർ​ച്ചി​ൽ മ്ലാ​ന​ത​യോ​ടെ മു​ഖ​മ​മ​ർ​ത്തി കി​ട​ക്കു​ന്ന ടൈ​ഗ​റി​ന്‍റെ കാ​ഴ്ച എ​ല്ലാ​വ​രി​ലും നൊ​മ്പ​ര​മാ​യി.

മാ​ത്യു​വി​ന്‍റെ ബ​ന്ധു​വാ​ണ് ക​ഴി​ഞ്ഞ​ദി​വ​സം ഈ ​വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ച്ച​ത്. നാ​ല് വ​ർ​ഷം മു​മ്പ്​ വീ​ടി​ന് സ​മീ​പ​ത്തെ റോ​ഡി​ൽ നി​ന്നും കി​ട്ടി​യ​താ​ണ്​ മാ​ത്യു​വി​ന്​ നാ​യ​ക്കു​ട്ടി​യെ. മ​ക്ക​ൾ ര​ണ്ടു​പേ​രും വി​ദേ​ശ​ത്താ​യ മാ​ത്യു​വും ഭാ​ര്യ എ​ൽ​സി​യും വീ​ട്ടി​ലെ ഒ​രു അം​ഗ​ത്തെ പോ​ലെ​യാ​ണ്​ ടൈ​ഗ​റി​നെ പ​രി​പാ​ലി​ച്ചി​രു​ന്ന​ത്.