കാർ തലകീഴായി മറിഞ്ഞു; യാത്രികൻ അത്ഭുതകരമായി രക്ഷപെട്ടു

തിരുവല്ല : ടയർ പഞ്ചറായതിനെ തുടർന്ന് നിയന്ത്രണം വിട്ട് തലകീഴായി മറിഞ്ഞ കാറിൽ നിന്നും ഓതറ സ്വദേശി അത്ഭുതകരമായി രക്ഷപെട്ടു. റിട്ട. റെയിൽവേ ഉദ്യോഗസ്ഥനായ ഓതറ അരങ്ങത്ത് വീട്ടിൽ ബാബു സഞ്ചരിച്ചിരുന്ന കാറാണ് അപകടത്തിൽപ്പെട്ടത്.

ഓതറ ആൽത്തറ ജംക്ഷന്​ സമീപമായിരുന്നു അപകടം. ടയർ പഞ്ചറായതിനെ തുടർന്ന് നിയന്ത്രണം നഷ്ടപ്പെട്ട കാർ തലകീഴായി മറിയുകയായിരുന്നു. അപകടം കണ്ട് ഓടിക്കൂടിയ സമീപ വാസികൾ ചേർന്ന് കാറിനുള്ളിൽ കുടുങ്ങിക്കിടന്നിരുന്ന ബാബുവിനെ പുറത്തെത്തിക്കുകയായിരുന്നു.